Sign In 
ថ្មីៗនេះ កម្រងរូបភាពរបស់តារាសម្ដែងស្រីល្បីឈ្មោះចិន Dilraba ដែលផ្សាយឲ្យខ្សែភាពយន្តថ្មីរបានធ្វើឲ្យនាងក្លាយជាតារាស្រីម្នាក់ គេស្វែងរកច្រើនបំផុតលើបណ្ដាញសង្គមជាច្រើនម៉ោងព្រោះតែសម្រស់របស់នាងស្អាតពេក រហូតគ្មានអ្នកណាអាចរំលងបាន។
តារាសម្ដែងស្រីដ៏មានប្រជាប្រិយភាព Dilraba នឹងត្រលប់មកកញ្ចក់ទូរទស្សន៍វិញជាផ្លូវការ ជាមួយខ្សែភាពយន្តភាគ Love Advanced Customization។ ខ្សែភាពយន្តនេះ នាងត្រូវបានសម្ដែងជាមួយប្រុសស្អាត Huang Jingyu ហើយក៏មានព័ត៌មានលេចឮថាពួកគេជាសង្សារនឹងគ្នាហើយនៅពេលនេះ។
ដើម្បីផ្សព្វផ្សាយឲ្យស្នាដៃថ្មីនេះ ក្រុមការងាររបស់រឿងភាគខាងលើ បានបញ្ចេញកម្រងរូបភាពថ្មីបំផុតរបស់ស្រីស្អាតវ័យ ២៨ឆ្នាំរូបនេះនៅលើបណ្ដាញសង្គម។ អ្វីដែលពិសេស រូបភាពទាំងនេះបង្ហាញពី Dilraba ស្លៀកឈុតកូនក្រមុំដែលវាគួរតែជាឈុតដែលមើលទៅមានសុភមង្គល តែផ្ទុយទៅវិញទាំងទឹកមុខ និងកាយវិការគឺសុទ្ធតែអស់សង្ឃឹមទាំងអស់ ព្រោះបែកបាក់មនោសញ្ចេតនា។
ក្រោយពេលរូបភាពទាំងនេះត្រូវបានចេញផ្សាយ ឈ្មោះរបស់តួរឿង និស្ស័យស្នេហ៍ទេវតា៣ជាតិ ត្រូវបានគេស្វែងរកច្រើនជាងគេលើបណ្ដាញសង្គម Weibo ហើយបានជាប់នៅលំដាប់នេះជាច្រើនម៉ោង។ អ្នកគាំទ្របានលាន់មាត់ថា រាងរបស់ស្រីស្អាតរូបនេះ ពេលគ្រងឈុតមង្គលការរឹតតែស្អាតឥតខ្ចោះ ពិបាករកអ្នកប្រៀប៕
ប្រភព៖ kenh 14
