អគ្គនាយកអង្គការសុខភាពពិភពលោក លោក Tedros Adhanom Ghebreyesus បានប្រកាស ក្នុងសន្និសីទកាសែត នៅទីក្រុងហ្ស៊ឺណែវ ប្រទេស្វីស កាលពីថ្ងៃទី​២១ ខែឧសភា​ថា លោកសន្យាទទួលខុសត្រូវ ចំពោះ​រឿង WHO ​ទប់ស្កាត់នឹងកូវីដ​១៩​ ក្រោយពេលគ្រប់គ្រងបានទាំងស្រុងសិន។

លោក Tedros បានបញ្ជាក់ថា​ «ខ្ញុំបាននិយាយជាច្រើនលើករួចមកហើយ​ថា​​ WHO ​នឹងទទួលខុសត្រូវ ចំពោះបញ្ហារាលដាល នៃកូវីដ១៩​ ប៉ុន្តែមិនមែនជាពេលនេះឡើយ»។ លោកបន្តទៀតថា អ្វីដែលជាការចាំបាច់ នៅចំពោះមុខនោះ គឺយើងត្រូវតែ​ទប់ស្កាត់កូវីដ១៩ឲ្យបានជាមុនសិន។

លោក​បណ្ឌិត​ Mike Ryan ​អគ្គនាយកកម្មវិធីប្រកាសអាសន្នរបស់ ​WHO បានបញ្ជាក់ថា​ ការវាយតម្លៃ និង ទទួលខុសត្រូវ ចំពោះ​កូវីដ​១៩ នឹងត្រូវ​ដោះស្រាយ ក្រោយពេលកូវីដ​១៩បានបញ្ចប់ទៅ។ លោក Mike Ryan បានបន្តទៀតថា ​«ការងាររបស់យើង នាពេលនេះ គឺទប់ស្កាត់ការឆ្លងរាលដាល នៃកូវីដ​១៩​​ អភិវឌ្ឍ និងបែងចែងវ៉ាក់សំាង ក៏ដូចជា គ្រឿងបរិក្ខារសុខាភិបាល​ …។

អគ្គនាយកអង្គការ WHO លោក Tedros បានបញ្ជាក់ថា តាំងពីដើមមក លោកបានស្វែងរកប្រភពជំនួយបន្ថែម ជួយដល់អង្គការនេះ ដោយមានទឹកប្រាក់ត្រឹមតែ​២,៣ពាន់លានដុល្លារ ​គឺតិចបំផុត មិនគ្រប់គ្រាន់សម្រាប់អង្គការសុខភាពកំពូលមួយនេះ ដំណើរការនោះឡើយ ៕ ប្រែសម្រលដោយ៖​ MEO

from： https://tnaot.com/km/m/detail/article/9237423