Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ពុទ្ធោ! អ្នកជំងឺកូវីដ​១៩នៅទូទាំងពិភពលោក កើនលើសពី៥លាននាក់

ស្ថានភាព​បច្ចុប្បន្ន ស្តីអំពី​វីរុស​កូវីដ​១៩ នៅ​ទូទាំងពិភពលោក​ បាន​ឆ្លងទៅលើមនុស្ស​ ជាង​៥លាននាក់​ហើយ ក្នុងនោះ​បាត់បង់ជីវិតជិត​៣៣ម៉ឺននាក់ និងអ្នកជំងឺជាង​២លាននាក់​បានជាសះស្បើយឡើងវិញផងដែរ។ 

យោងតាមការផ្សាយ​របស់ប្រភព Worldometers អះអាងថា​ គិតមកត្រឹមថ្ងៃទី​២១ ខែឧសភា ឆ្នាំ២០២០ កូរ៉ូណាវីរុស​ប្រភេទថ្មី ឬកូវីដ​១៩ (COVID-19) បានឆ្លង​លើមនុស្ស សរុប​ ៥លាន ៨ម៉ឺន ៥ពាន់​៦៦នាក់ (៥ ០៨៥ ០៦៦) ក្នុងនោះ​បាត់បង់ជីវិត ៣២ម៉ឺន ៩ពាន់ ៧២១នាក់ ( ៣២៩ ៧២១) ។ ប៉ុន្តែអ្នកជំងឺ ២លាន ២ម៉ឺន ១ពាន់ ៨៤៣នាក់ ( ២ ០២១ ៨៤៣)​ បានជាសះស្បើយវិញផងដែរ ។ 

ប្រភពបានបញ្ជាក់ថា សហរដ្ឋអាមេរិក​ជាប្រទេស​រងគ្រោះជាងគេបំផុត​ ឆ្លងសរុប ១លាន ៥សែន ៩ម៉ឺន ១ពាន់ ៩៩១នាក់ ក្នុងនោះ​បាត់បង់ជីវិត ៩ម៉ឺន ៤ពាន់ ៩៩៤នាក់ ។ 

ប្រទេសរុស្ស៊ីរងគ្រោះ​លំដាប់ទីពីរ មានអ្នកឆ្លង​សរុប ៣សែន ៨ពាន់ ៧០៥នាក់ ( ៣០៨ ៧០៥) ក្នុងនោះ​បាត់បង់ជីវិត ២ ៩៧២ នាក់ ។ 

ប្រទេសប្រេស៊ីល រងគ្រោះ​លំដាប់ទីបី ឆ្លងសរុប ២សែន ៩ម៉ឺន ៣ពាន់ ៣៥៧នាក់ ( ២៩៣ ៣៥៧) ក្នុងនោះបាត់បង់ជីវិត ១ម៉ឺន ៨ពាន់ ៨៩៤នាក់ ( ១៨ ៨៩៤) ៕ ប្រែសម្រួលដោយ៖ thach yat

from: https://tnaot.com/km/m/detail/article/9237189