Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

Sanchez ទម្លាយហេតុផលដែលធើ្វឲ្យរូបគេមិនចូលចិត្ដ Jose Mourinho

Alexis Sanchez បានបានអះអាងថា របៀបដឹកនាំរបស់លោក Jose Mourinho នៅក្លឹបបិសាចក្រហម Manchester United គឺជាកត្ដាចម្បងដែលធើ្វឲ្យគេបាត់បង់ទំនុកចិត្ដក្នុងការលេងរបស់គេ ប៉ុន្ដែក៏បានបញ្ជាក់ដែរថា Jose នៅតែជាគ្រូល្អម្នាក់ក្នុងលោក។

ពេលវេលារបស់កីឡាករក្រុមជម្រើសជាតិឈីលីនៅ United មិនសូវសមប្រកបនោះទេ ដោយបច្ចុប្បន្នរូបគេកំពុងជាប់ឈ្មោះជាកីឡាករបម្រុងនៅក្លឹបអ៊ីតាលី Inter Milan ខណ:រូបគេបានផ្ទេរពីក្រុមកាំភ្លើងធំ Arsenal កាលពីឆ្នាំ២០១៨ ហើយរូបគេស៊ុតបញ្ចូលទីបានត្រឹម៣គ្រាប់ប៉ុណ្ណោះ ក្នុង៣២ប្រកួតក្នុងលីគឲ្យក្រុមដែលមានមូលដ្ឋានក្នុងទីក្រុង Manchester។

«Mourinho គឺជាគ្រូបង្វឹកល្អជាងគេម្នាក់ក្នុងលោក ទៅលើរបៀបដែលលោកដឹកនាំ» Sanchez និយាយប្រាប់ BBC កាលពីឆ្នាំមុន។

«ប៉ុន្ដែក្រោយមក អ្នកមានអារម្មណ៍ថា អ្នកស្ថិតក្នុងក្រុមហើយ តែលេងមិនត្រូវគ្នាទៅវិញ។ ពេលខ្លះខ្ញុំអត់បានលេង ពេលខ្លះខ្ញុំលេង ដូច្នេះវាធើ្វឲ្យខ្ញុំបាត់បង់ទំនុកចិត្ដ, កីឡាករនីមួយៗបាត់បង់ទំនុកចិត្ដ, តើអ្នកយល់ដែរទេ?»

«ពេលខ្លះខ្ញុំលេងល្អ ហើយស៊ុតចូល តែគាត់នៅតែដកខ្ញុំចេញ។ ខ្ញុំនៅតែនិយាយថា ខ្ញុំស្រលាញ់បាល់ទាត់។ ខ្ញុំលេងបាល់តាំងពីអាយុ៥ឆ្នាំ។ បើដកបាល់ពីខ្ញុំ ខ្ញុំនឹងមិនរីករាយនោះទេ» Sanchez បន្ថែម៕

ប្រភព៖ BBC

from: https://tnaot.com/km/m/detail/article/9235653