នាយកដ្ឋានបង្ការនិងកាត់បន្ថយគ្រោះមហន្តរាយបានចេញសេចក្តីជូនដំណឹងអំពីព្យុះ​ដល់ប្រជាជនថៃ ដោយប្រកាសថានឹងមាន​ភ្លៀងធ្លាក់ខ្លាំង និងខ្យល់កន្ត្រាក់រហូតដល់ថ្ងៃព្រហស្បតិ៍ដែលបង្កឡើងដោយព្យុះ​ត្រូពិច​ cyclone Amphan នៅឈូងសមុទ្រ​ Bengal ។

​

កាលពីថ្ងៃអង្គារនាយកដ្ឋានបានប្រកាសថា ​ព្យុះ​ cyclone Amphan កំពុងតែរំកិលទៅភាគ​ឦសានហើយត្រូវបានគេព្យាករណ៍ថានឹងធ្វើឱ្យមានការបាក់ដីនៅប្រទេសឥណ្ឌានិងបង់ក្លាដែសនៅសប្តាហ៍នេះ។ ​ព្យុះនេះនឹងធ្វើឱ្យខ្យល់មូសុងនិរតីឆ្លងកាត់សមុទ្រ​ Andaman និង​ឈូងសមុទ្រថៃ។ ដូច្នេះក្រសួងឧតុនិយមបានព្យាករណ៍ថានឹងមានភ្លៀងធ្លាក់ខ្លាំង​ស្ទើរតែ​គ្រប់ខេត្តទាំងអស់នៅក្នុងប្រទេសថៃ។ ​

នាយកដ្ឋានបង្ការនិងកាត់បន្ថយគ្រោះមហន្តរាយ​​កំពុងធ្វើការជាមួយអាជ្ញាធរនៅទីក្រុងបាងកកនិងខេត្តចំនួន ៦២ដែលអាចរងផលប៉ះពាល់​ដោយសារភ្លៀងធ្លាក់ខ្លាំង និងខ្យល់​កន្ត្រាក់រហូតដល់ថ្ងៃទី ២១ ខែឧសភា។​

ក្នុងចំណោមខេត្តទាំង ៦២ ដែលរងផលប៉ះពាល់​មាន ១៣ខេត្តដែលស្ថិតនៅភាគខាងជើង​ ​១៨ខេត្តនៅភាគឦសាន ១៥ខេត្តនៅតំបន់វាលទំនាបកណ្តាល ៧ ខេត្តនៅភាគខាងកើត និងមាន៩ខេត្តនៅភាគខាងត្បូង។ ​

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9234788