សិស្សនៅវិទ្យាល័យនៅប្រទេសកូរ៉េខាងត្បូងបានវិលត្រឡប់ទៅសាលារៀនវិញហើយ កាលពីថ្ងៃទី២០ ខែឧសភា ឆ្នាំ២០២០ បន្ទាប់ពីការបិទសាលាអស់រយៈពេលជាច្រើនខែ ដោយសារតែការផ្ទុះរាតត្បាត​ពីវីរុស​កូវីដ​-១៩ ។

ប្រភពទូរទស្សន៍ Arirang បានផ្សាយថា សិស្សទាំងអស់ត្រូវពាក់ម៉ាស់មុខ និងអនាម័យដៃ មុនពេលចូលទៅកាន់សាលារៀន ។

ម៉ាស៊ីនថតវាស់កំដៅត្រូវបានតំឡើងផងដែរនៅតាមច្រកចូលរបស់សាលារៀន ដើម្បីពិនិត្យមើលសីតុណ្ហភាពរបស់សិស្សានុស្ស​ទាំងនោះ ។

ប្រភពបន្តថា សិស្សសាលាណាដែលមានសីតុណ្ហភាព​កម្តៅលើសពី ៣៧.៥ អង្សាសេ សិស្សនោះនឹងត្រូវបញ្ជូនឲ្យត្រឡប់ទៅផ្ទះវិញ នៅពេលដែលកម្តៅរបស់ពួកគេមិនស្រកចុះនោះ ។

ប្រភពបណ្ជាក់ទៀតថា ប្រសិនបើមានបញ្ហាកើតឡើង រដ្ឋាភិបាល​អាចនឹងប្តូរទៅរៀនតាមរយៈអ៊ីនធើណេតវិញ ។ 

គួរបញ្ជាក់ថា វីរុសកូវីដ​១៩​នៅក្នុងប្រទេសនេះ ឆ្លងលើមនុស្សសរុប ១១ ១១០នាក់ ក្នុងនោះ បាត់បង់ជីវិត​២៦៣នាក់ និង​១០ ០៦៦ នាក់បានជាសះស្បើយវិញផងដែរ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9234326