Sign In 
ក្លឹបបាល់ទាត់ក្នុងលីគកំពូលកូរ៉េខាងត្បូង FC Seoul បានធ្វើការសុំទោសសម្រាប់ការបំពេញក្នុងកីឡដ្ឋានរបស់ពួកគេនៃម៉ាន់នឺកាំង ដែលគេចាប់បានថាជាតុក្កតាសិច។
បាល់ទាត់បានចាប់ផ្ដើមត្រលប់មកវិញខ្លះៗ ព្រោះតែការរាតត្បាតវីរុសកូរ៉ូណា ប៉ុន្តែសម្រាប់អ្នកគាំទ្រនៅតែមិនទាន់អនុញ្ញាតឲ្យចូលទស្សនា ដោយជំនួសវិញនូវរូបក្រដាសមនុស្ស។ គ្រប់កីឡដ្ឋានដែលចាប់ផ្ដើមលេង កន្លែងអង្គុយគឺគ្មានមនុស្ស ភ្លេងត្រូវបានចាក់បន្លឺពេលដែលទាត់ចូលគ្មានការស្រែកហ៊ោនោះទេ។
ប៉ុន្តែនៅលីគប្រទេសកូរ៉េខាងត្បូងបើធ្វើឲ្យមាបការផ្អើលក្នុងបណ្ដាញសង្គម។ វិបសាយ rt.cim បានចុះថា ក្រុម FC Seoul បានដាក់រូបម៉ាន់នឺកាំងបំពេញក្នុងកីឡដ្ឋានរបស់ពួកគេក្នុងជំនួបជាមួយក្រុម Gwangju FC។ ប៉ុន្តែអ្នកប្រើបណ្ដាញសង្គមចាប់បានរូបទាំងនោះជាតុក្កតាសិច។
អ្នកគាំទ្រម្នាក់បានយល់ឃើញថារូបម៉ាន់នឺកាំងទាំងនោះជាតុក្កតាសិច ផលិតឡើងដោយក្រុមហ៊ុនមួយ តែគេក៏សង្ឃឹមថាវាមិនមែនជាការពិតទៅចុះ។ ការមន្ទិលសង្ស័យនេះអាចជាការពិត ព្រោះក្រោយផ្ទុះរឿងនេះភ្លាមក្រុម FC Seoul បានចេញសារសុំជាសាធារណៈ។ គេក៏បានកំណត់សម្គាល់ឃើញមានតុក្កតាខ្លះបានផ្សព្វផ្សាយហាងរកស៊ីនៅក្នុងតំបន់ទៀតផង៕
