តាមការចេញផ្សាយ​របស់ប្រភព Arirang កាលពីថ្ងៃទី១៧ ខែឧសភា ឆ្នាំ២០២០ បញ្ជាក់ថា ពលរដ្ឋ​នៅលើពិភពលោក​ដែលឆ្លងវីរុស​កូវីដ​១៩នោះ​បានកើតឡើងជាង ៤,៧ លាននាក់ ហើយក្នុងនោះជាង ៣១២ពាន់នាក់ ​បានស្លាប់ ។ 

ប្រភពបានបញ្ជាក់ថា នៅថ្ងៃអាទិត្យ ក្នុងទឹកដីអាមេរិក ត្រូវបានកត់ត្រាថា មាន​ជាង​ ២៥ពាន់​​ករណីថ្មីស្តីអំពីកូវីដ​១៩ និងជាង​ ១ ៥០០នាក់​បានស្លាប់ ។ ប្រទេសនេះមានអ្នកស្លាប់សរុបជាង ៨៨​ពាន់នាក់ ។ ​

នៅប្រទេសប្រេស៊ីល មានអ្នកឆ្លងជិត១៥ពាន់នាក់, នៅប្រទេសរុស្ស៊ី ឆ្លងជាង​៩ពាន់នាក់, និងឥណ្ឌា​ជាង​៤ពាន់នាក់ ហើយនៅប្រទេសប៉េរូ ក៏ឆ្លង​កូវីដ​១៩​កើនឡើងខ្លាំងណាស់ដែរ គិតក្នុងមួយថ្ងៃ២៤ម៉ោង ។ 

ប្រេស៊ីលបានអះអាង​អំពីកំណើនលើសពីចំនួន​ឆ្លង​នៅក្នុងប្រទេស​អេស្ប៉ាញ និងអ៊ីតាលី ​កាលពីថ្ងៃទី១៦ ខែឧសភា ។ ដូច្នេះ​ប្រេស៊ីល​ក្លាយជាប្រទេសទីបួនរងគ្រោះបំផុត​ដោយសារវីរុស​កូវីដ​១៩នេះ ។ 

នៅថ្ងៃ​ទី១៦ ខែឧសភា​ អ៊ីតាលី​កត់ត្រាថា មានអ្នកបាត់បង់ជីវិត​១៥៣នាក់ ចំនួនតិច​បំផុត​អំឡុងពេល​២ខែកន្លងមកនេះ ។ 

នេប៉ាល់​បានប្រកាសថា ករណីស្លាប់​លើកទីមួយ​ដោយសារកូវីដ​១៩នេះ បានកើតមាននៅក្នុងប្រទេសនេះ ៕ ប្រែសម្រួលដោយ៖ thach yat

from： https://tnaot.com/km/m/detail/article/9223814