សុខភាព៖ មនុស្សមួយចំនួន ប្រហែលជាយល់ច្រឡំថា ជំងឺមហារីកសុដន់ កើតឡើងចំពោះតែមនុស្សស្រី តែការពិតវាមិនដូច្នោះទេ ជម្ងឺមហារីកសុដន់ ក៏កើតឡើងចំពោះមនុស្សប្រុសផងដែរ។

អ្នកជំនាញរោគស្រ្តី និងបុរស បានឱ្យដឹងថា ជំងឺមហារីកសុដន់ ដែលកើតឡើងចំពោះមនុស្សប្រុស មិនសូវខុសគ្នាពីមនុស្សស្រីនោះទេ។ ភាគរយស្រ្តី កើតជំងឺនេះ ច្រើនជាងបុរស។

ជាទូទៅ រោគសញ្ញា ដែលគេសង្កេតឃើញថា មនុស្សប្រុសកើតជំងឺមហារីកសុដន់ គឺមានឡើងដុំពកនៅលើទ្រូងរបស់គាត់។ តែទោះជាយ៉ាងណា ក្រៅពីរោគសញ្ញាខាងលើ គេរកឃើញបន្ថែមថា កត្តាមួយចំនួន អាចជាមូលហេតុដែលធ្វើមនុស្សប្រុស កើតជំងឺមហារីកសុដន់។ កត្តាទាំងនោះ រួមមាន៖

– គ្រួសារធ្លាប់មានប្រវត្តកើតជំងឺនេះ

– ទ្រូងធ្លាប់ទទួលរងកាំរស្មី

– ធ្លាប់ពង្រីកសុដន់របស់ខ្លួន

– ការប្រើអ័រម៉ូនអឺស្ត្រូសែន

– ជំងឺហ្សែនកម្រហៅថារោគសញ្ញា Klinefelter’s

– មានជម្ងឺថ្លើមធ្ងន់ធ្ងរ (ហៅថាជំងឺក្រិនថ្លើម)

– ជំងឺនៃពងស្វាស ដូចជាជំងឺរលាកទងសួត ជំងឺគាំងពងស្វាស ឬពងស្វាសមិនថយក្រោយជាដើម

សូមបញ្ជាក់ផងដែរថា៖ ប្រសិនបើបុរសៗ សង្កេតឃើញទ្រូងរបស់ខ្លួន មានផុសចេញនូវដុំពក ខុសប្រក្រតី ឬស្ថិតក្នុងកត្តាណាមួយ ដែលបានលើកឡើងខាងលើ សូមប្រញាប់រួសរាន់ទៅពិគ្រោះជាមួយគ្រូពេទ្យជំនាញឱ្យបានទាន់ពេលវេលា៕

from： https://tnaot.com/km/m/detail/article/9219962