ខេត្តកោះកុង៖ យ៉ាងហោចណាស់ក៏មានមនុស្សប្រុសស្រីក្មេងចាស់ស្លាប់ ២នាក់និង ៦នាក់ទៀតរងរបួសធ្ងន់និងស្រាលក្នុងឧប្បត្តិហេតុ ដោយរថយន្តធំនិងរថយន្តតូចចំនួន ២គ្រឿងបានបុកគ្នាបណ្តាលឲ្យធ្លាក់ចូលទៅក្នុងទឹកអូរ។ ហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់ខាងលើនេះ បានកើតឡើងនៅវេលា១០៖៤៤នាទីព្រឹកថ្ងៃទី១៥ ខែឧសភា ឆ្នាំ២០២០ ស្ថិតនៅលើផ្លូវជាតិលេខ៤៨ ចន្លោះគីឡូម៉ែត្រលេខ១-២ ចំណុចស្ពានអូជ្រៅ ភូមិអូជ្រៅ ឃុំបឹងព្រាវ ស្រុកស្រែអំបិល ខេត្តកោះកុង។

ប្រភពព័ត៌មាននៅជុំវិញកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តទាំង ២គ្រឿងខាងលើនេះ បើកបរបញ្រ្ចាសទិសគ្នាលុះដល់ចំណុចកើតហេតុ ក៏បានបុកគ្នាចំពីមុខយ៉ាងពេញទំហឹងបណ្តាលឲ្យរថយន្តធុនតូចធ្លាក់ចូលទៅក្នុងទឹកអូរក្នុងហេតុការណ៍គ្រោះថ្នាក់ចរាចរណ៍ខាងលើនេះមានមនុស្សស្លាប់ ២នាក់ ស្រីម្នាក់និងក្មេងប្រុសម្នាក់ ចំណែកអ្នករួមដំណើរ ៦នាក់ទៀតរងរបួសធ្ងន់ ខណៈសមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យ ដើម្បីជួយសង្រ្គោះ។

ចំណែកឯសពជនរងគ្រោះទាំង ២នាក់ ត្រូវបានសមត្ថកិច្ចបានប្រគល់ទៅឲ្យក្រុមគ្រួសារដឹកយកទៅធ្វើបុណ្យតាមប្រពៃណី៕ ដោយ៖ សួង សាម

from： https://tnaot.com/km/m/detail/article/9219731