ភ្នំពេញ៖ លោក នេត្រ ភក្រ្តា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឲ្យដឹងនៅព្រឹកថ្ងៃទី១៥ ខែឧសភានេះថា មន្ត្រីនៃមន្ទីរបរិស្ថាន និងសមត្ថកិច្ចជំនាញ កំពុងស្រាវជ្រាវលើករណីសត្វទន្សោងពីរក្បាល ដែលត្រូវបានគេបាញ់សំលាប់ នៅក្នុងដែនអភិរក្សភ្នំព្រេច ខេត្តមណ្ឌលគិរី។ នេះបើតាមការផ្សាយររបស់ ​ទីភ្នាក់ងារសារព័ត៌មានកម្ពុជា (AKP)

​អ្នកនាំពាក្យក្រសួងបរិស្ថាន បានគូសបញ្ជាក់នៅក្នុងបណ្តាញតេឡេក្រាមថា៖ “សមត្ថកិច្ចកំពុងតែស្រាវជ្រាវ ករណីនេះ ហើយបើមានព័ត៌មានអ្វីថ្មីៗបន្ថែម ខ្ញុំនឹងជម្រាបជូន។” នេះបើតាមការ AKP ដែលបានស្រង់សម្តី រដ្ឋលេខាធិការក្រសួងបរិស្ថាន។

សូមបញ្ជាក់ថា បន្ទាប់ពីទទួលបានការរាយការណ៍ពីករណីទន្សោងចំនួន២ក្បាល បានស្លាប់ មន្ត្រីជំនាញបានទៅដល់កន្លែងកើតហេតុ ដោយបានឃើញសត្វទន្សោងញីចំនួន២ក្បាល ដែលអាចប៉ាន់ស្មានថាស្លាប់ ៣ទៅ៤ថ្ងៃមកហើយ ដោយត្រូវបាញ់សម្លាប់ នៅក្នុងតំបន់ព្រៃការពារភ្នំព្រេច ហើយបានរត់មកស្លាប់នៅក្នុងដីក្រុមហ៊ុនក្នុងស្រុកមួយ។ ដោយ៖ ប៊ុនធឿន 

from： https://tnaot.com/km/m/detail/article/9219428