Sign In 
មីយ៉ាន់ម៉ា និងឡាវ ជាប្រទេសចុងក្រោយគេ នៅតំបន់អាស៊ាន ដែលមានការឆ្លងវីរុសកុវីដ១៩ ប៉ុន្ដែដោយសារមានការឆ្លងច្រើន ទើប អាជ្ញាធរមីយ៉ាន់ម៉ា បានសម្រេចបិទប្រទេស ដើម្បីទប់ស្កាត់នឹងជំងឺឆ្លងនេះ ហើយការបិទប្រទេសនេះនឹងធ្វើឲ្យអាជីវកម្មខ្នាតតូច និងមធ្យម ក៏ដូចជា រោងចក្រនានា ប្រឈមនឹងការដួលរលំ។
បើតាមសារព័ត៌មាន Mizzima បានផ្សាយថា អាជីវកម្មខ្នាតតូច និងមធ្យម ហើយរោងចក្រនានា ប្រឈមមុខនឹងការលំបាក បន្ទាប់ ពី អាជ្ញាធរមីយ៉ាន់ម៉ា បានបញ្ជាឲ្យបិទប្រទេស និងតម្រូវឲ្យប្រជាពលរដ្ឋរស់នៅឆ្ងាយពីសង្គម។ នេះជាវិធានការរបស់រដ្ឋាភិបាល សម្រាប់ទប់ស្កាត់នឹងការឆ្លងរីករាលដាល នៃកូរ៉ូណាវីរុស ឬកូវីដ១៩។
បណ្ដាញផ្សព្វផ្សាយដដែល បានបន្ដថា ការបិទប្រទេសនេះ នឹងធ្វើឲ្យប៉ះពាល់យ៉ាងធ្ងន់ធ្ងរដល់រោងចក្រ ដែលមានបុគ្គលិក និងកម្មកររាប់ម៉ឺនាក់។
បើតាម Bloomberg បានរាយការណ៍ថា ភាគច្រើន នៃក្រុមហ៊ុនចំនួន៦ម៉ឹន ដែលបានចុះបញ្ជីនៅក្នុងប្រទេសភូមា (មីយ៉ាន់ម៉ា) ប្រឈមនឹងការខូចខាត ដែលមិនអាចកែកុនបាន ប្រសិនបើការបិទប្រទេស ដើម្បីទប់ស្កាត់នឹងកូវីដ១៩ រហូតដល់ក្រោយថ្ងៃទី១៥ ខែឧសភា។ នេះបើយោងប្រធានក្រុមពាណិជ្ជកម្មផលិតធំបំផុតរបស់ប្រទេសមីយ៉ាន់ម៉ា។
យោងតាមលោក Aung Thein ប្រធានសមាគមឧស្សាហកម្មមីយ៉ាន់ម៉ាន បានឲ្យដឹងថា រោងចក្រជាច្រើន ដែលមិនអាចប្រតិបត្ដិការ ចាប់ពីដើមខែមេសា គឺអាចនឹងដួលរលំ ប្រសិនបើរោងចក្រទាំងនោះ មិនអាចប្រតិបត្ដិការ ក្រោយថ្ងៃទី១៥ ខែឧសភា។ ទោះជាយ៉ាងណា គេមិនទាន់ដឹងច្បាស់ថា រដ្ឋាភិបាលនឹងពន្យារការបិទប្រទេស ពីថ្ងៃទី១៥ ខែឧសភា ឬក៏បន្ដរហូតដល់ពេលណាដែរ។
បើគិតត្រឹមថ្ងៃទី១២ ខែឧសភា ប្រទេសមីយ៉ាន់ម៉ា មានអ្នកឆ្លងកូវីដ១៩ កើនឡើងដល់១៨០នាក់ ស្លាប់៦នាក់ និងជាសះស្បើយ ៧៤នាក់៕ ប្រែសម្រួលដោយ Nuon
