ខ្សែការពារ Alvaro Odriozola បានបង្ហើបថា លោក Zinedine Zidane ចង់ឱ្យខ្លួនស្នាក់នៅក្លិប Real Madrid ជាជាងទៅចូលរួមជាមួយក្លិប Bayern Munich ក្នុងលក្ខខណ្ឌខ្ចីជើង។

ខ្សែបម្រើសញ្ជាតិអេស្ប៉ាញវ័យ ២៤ ឆ្នាំរូបនេះបានចាកចេញពីទឹកដី Santiago Bernabéu ទៅចូលរួមជាមួយ Bayern ក្នុងលក្ខខណ្ឌខ្ចីជើងកាលពីខែមករា បន្ទាប់ពីបង្ហាញខ្លួនបានត្រឹមតែ ៥ ប្រកួតប៉ុណ្ណោះសម្រាប់ Madrid នៅពាក់កណ្តាលរដូវកាលនេះ។

លោក Zidane បាននិយាយថា មិនចង់ឱ្យ Odriozola ទៅចូលរួមជាមួយក្រុមយក្សនៅអាល្លឺម៉ងនេះទេ ព្រោះលោកយល់ថាខ្សែការពារលេងនៅស្លាបស្តាំរបស់ក្លិប Bayern សុទ្ធតែមានសមត្ថភាពខ្ពស់ ដែលធ្វើឱ្យពិបាកប្រជែងយកជម្រើស ១១ នាក់ដំបូង ក្រោមការដឹកនាំរបស់លោក Hans-Dieter Flick ហើយជាក់ស្តែងពេលនេះរូបគេទើបតែមានឱកាសចូលលេងបានត្រឹមតែ ២ ប្រកួតប៉ុណ្ណោះ ពោល គឺតិចជាងកាលដែលលេងនៅ Madrid ទៅទៀត។

Odriozola ត្រូវបាន Madrid ចុះហត្ថលេខាមកពីក្លិប Real Sociedad នៅក្នុងឆ្នាំ២០១៨ ជាមួយតម្លៃផ្ទេរ ៣០ លានផោន ដោយចុះកុងត្រារយៈពេល ៤ ឆ្នាំ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9199388