កីឡាករ Jese Rodriguez បានឈ្នះនូវមេដាយនៃពានលីគជាមួយក្រុម Paris Saint Germain បើទោះបីជារូបគេលេងបានត្រឹម១នាទី ឲ្យក្លឹបនេះក៏ដោយ។

អតីតកីឡាកររបស់ក្រុមជម្រើសជាតិអេស្ប៉ាញនេះ បានលេងឲ្យក្លឹបក្នុងការប្រកួតលីគបានចំនួន១នាទីប៉ុណ្ណោះ កាលពីខែសីហាឆ្នាំមុន មុនពេលត្រូវក្លឹបដាក់ឲ្យក្រុម Sporting ខ្ចីជើងកាលពីខែកញ្ញាកន្លងទៅ។

មិនដូចលីគដ៏ទៃដូចជា Premier League ដែលតម្រូវឲ្យកីឡាករយ៉ាងហោចណាស់ក៏បង្ហាញខ្លួនចំនួន៥ប្រកួតដែរ ដើម្បីឈ្នះពានជាមួយក្លឹបដែលគេលេងឲ្យ, ក្នុងលីគបារាំងមិនបានកំណត់បែបច្នេះនោះទេ, ដូច្នេះ Jese ក៏ត្រូវបានឈ្នះមេដាយជាមួយ PSG ផងដែរ បើទោះលេងបានត្រឹម១នាទីជាមួយក្លឹបក៏ដោយ។

សូមបញ្ជាក់ថា លីគកំពូលបារាំងត្រូវកំណត់បញ្ចប់ដែលបានប្រកាសកាលពីសប្ដាហ៍មុន និងកំណត់ឲ្យ PSG ជាម្ចាស់ជើងឯកលីគ៕

ប្រភព៖ Sportbibble

from： https://tnaot.com/km/m/detail/article/9192973