Sign In 
ទើបគេសរសើរថ្ងៃមុនថាសមគ្នាជាមួយ Lisa ពេលនេះ Cai Xukun កៀកកើយ Angelababy ដូចរាជបុត្រ និងព្រះនាង
កម្រងរូបភាពថ្មីរវាងកំពូលតារាចម្រៀងប្រុសចិន Cai Xukun និងតារាសម្ដែងស្រីលំដាប់ A Angelababy កំពុងធ្វើឲ្យអ្នកគាំទ្រចលាចលជាខ្លាំង ដ្បិតសិល្បករទាំង២មានរូបសម្បត្តិស្អាតខ្លាំងពេក។
ក្រោយរយៈពេលទន្ទឹងរង់ចាំជាយូរថ្ងៃមក កម្មវិធីកម្សាន្ត Running Man រដូវកាលទី ៨ របស់ចិនបានចាប់ផ្ដើមថតថ្មីហើយ។ អ្វីដែលគួរឲ្យចាប់អារម្មណ៍ជាងគេនោះ នៅក្នុងរដូវថ្មីនេះ កំពូលតារាចម្រៀងប្រុស និងគ្រូបង្វឹករបស់កម្មវិធីប្រលងចម្រៀង Youth With You លោក Cai Xukun បានចូលរួមជាសមាជិកថ្មី។
នៅក្នុងថ្ងៃថតទី ១នេះ សមាជិកទាំងអស់បានបង្ហាញមុខរួមគ្នា។ សកម្មភាពដែលទាក់ទាញចំណាប់អារម្មណ៍ជាងគេនោះ គឺកាយវិការទន់ភ្លន់ ជួយលើករ៉ូបឲ្យ Angelababy នៅពេលនាងឡើងកាំជណ្ដើរ។ សកម្មភាពនេះបានធ្វើឲ្យអ្នកគាំទ្រសរសើរប្រុសស្អាត វ័យ២២ឆ្នាំ ជាខ្លាំង។ ទោះបីជា សិល្បករ២រូបនេះ មានអាយុខុសគ្នាជិត១០ឆ្នាំក្ដី តែមើលទៅគឺសមគ្នា មិនខុសពី ព្រះនាង និងរាជបុត្រឡើយ។
មុនពេល ត្រូវបានគេសរសើរថាសមគ្នាជាមួយ Angelababy ម្ចាស់បទ Wait Wait Wait ក៏ត្រូវគេផ្គូផ្គងជាមួយកំពូលតារាចម្រៀងស្រីថៃ Lisa ដូចគ្នា នៅពេលពួកគេធ្វើជាគ្រូបង្វឹកក្នុងកម្មវិធី Youth With You រួមគ្នា៕
