Sign In 
តាមក្បួនហោរាសាស្ត្រ ថ្ងៃសៅរ៌ ១១កើត ខែពិសាខ ឆ្នាំជូត ទោស័ក ពុទ្ធសករាជ ២៥៦៣ ត្រូវនឹងថ្ងៃទី២ ខែឧសភា ឆ្នាំ២០២០ ឆ្នាំកុរ ឆុងជាមួយឆ្នាំម្សាញ់។
សូមមើលរាសីរបស់លោកអ្នកក្នុងថ្ងៃនេះ ៖ 
ឆ្នាំជូត
រាសីល្អជាមធ្យម។នៅថ្ងៃនេះលោកអ្នកបើមានកិច្ចការអ្វីបំពេញត្រូវសម្រុកនោះផ្លែផ្កាដែលហុចឱ្យបានមកវិញក៏តែងឆ្លើយតបដូចជាទីពេញចិត្តផង។សម្រាប់អ្នកប្រកបរបររកស៊ីជួញដូរលោកអ្នកអាចបណ្តាក់ទុនរកស៊ីឬចេញធ្វើជំនួញមិនថាទីជិតឆ្ងាយតែងប្រមូលផលកម្រៃត្រឡប់មកផ្ទះវិញដូចសមប្រកបជានិច្ច។ការធ្វើដំណើរទីជិតឆ្ងាយមានតែក្រុមមនុស្សជួយយកអាសារនិងគាំពារ។
រីឯសម្ព័ន្ធស្នេហាប្រុសស្រីមានភាពស្រស់ស្រាយនិងកំពុងបើកទំព័រថ្មីសម្រាប់អ្នកហើយ។
ឆ្នាំឆ្លូវ
រាសីល្អជាមធ្យម។នៅថ្ងៃនេះលោកអ្នកដែលប្រកបការងារចូរប្រយ័ត្នសត្រូវឆ្ងាយជិតគេទម្លាក់កំហុសទុកឱ្យណាមួយនាំជួបការលំបាករែកពន់នៅថ្ងៃខាងមុខ។ការរស់នៅលោកអ្នកត្រូវចេះកាត់បន្ថយភាពរកាំរកូសក្នុងរង្វង់គ្រួសារទើបភាពចម្រុងចម្រើនមានភាពល្អប្រសើរជាងនេះ។ចំពោះអ្នកប្រកបរបររកស៊ីជួញដូរលោកអ្នកពុំត្រូវប្រកាន់ចិត្តស្រាលឆាប់ខឹងឬប្រកែប្រកាន់ច្រើនឡើយនាំតែមានជម្លោះជាមួយអតិថិជនបាត់បង់នូវចំណូលខ្លួនឯងប៉ុណ្ណោះ។
រីឯបញ្ហាសេចក្តីស្នេហាប្រុសស្រីកុំគប្បីភ្លើតភ្លើនតាមអារម្មណ៍អូសទាញត្រូវចេះអប់រំនិងដាស់តឿនដោយអាត្មាខ្លួនឯងទើបជាការប្រពៃបំផុត។
ឆ្នាំខាល
រាសីខ្ពស់ត្រដែត។នៅថ្ងៃនេះបើលោកអ្នកសម្រេចចិត្តបានត្រឹមត្រូវនោះឃើញថាការធ្វើអ្វីមួយក៏តែងផ្តល់ផលល្អមកវិញជានិច្ច។ចំណែកបញ្ហារឿងផ្ទាល់ខ្លួនដូចជាបញ្ហាគ្រួសារឬសេចក្តីស្នេហាមានភាពល្អផូរផង់ប្រពៃនិងកំពុងកើតវាលកាលកុម្ពត្រជាក់ត្រជុំល្អណាស់។ អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់បើតែយ៉ាង ណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅកើត។
រីឯបញ្ហាសេចក្តីស្នេហាប្រុសស្រីបើមានការផ្សំផ្គុំគ្រួសារឬចូលស្តីដណ្តឹងជាពេលវេលាល្អប្រពៃបំផុត។
ឆ្នាំថោះ
រាសីខ្ពស់ត្រដែត។ក្នុងថ្ងៃនេះបើលោកអ្នកចង់ប្រកបកិច្ចការងារអ្វីក៏តែងហុចផ្លែផ្កាមកវិញគ្រាន់ជាទីពេញចិត្តផងដែរ។ចំពោះអ្នកប្រកបរបររកស៊ីជួញដូរនៅថ្ងៃនេះវិញទ្រព្យសំណាងបានឡើងខ្ពស់ដូចនេះលោកអ្នកអាចប្រកបរបររកស៊ីជួញដូរឬបើកមុខរបរថ្មីមានភាពគាប់ប្រសើរព្រោះថាផ្លែផ្កាដែលហុចឱ្យមកវិញតែងមានការធំធាត់ជាបណ្តើរៗជានិច្ច។
រីឯបញ្ហាសម្ព័ន្ធស្នេហាកំលោះក្រមុំពេលនេះជាឱកាសល្អក្នុងការពិភាក្សាសម្រាប់ការរៀបចំគ្រួសារហើយ។
ឆ្នាំរោង
រាសីល្អជាមធ្យម។នៅថ្ងៃនេះការប្រកបការងារឃើញថាមិនសូវជឿនលឿនទៅមុខទេពិសេសធ្វើអ្វីៗងាយជួបនូវបញ្ហាចម្រូងចម្រាសថែមទៀត។សម្រាប់អ្នកប្រកបរបររកស៊ីជួញដូរមានភាពនឹងធឹងល្អពោលគឺមិនមានអ្វីប្រែប្រួលប្តូរផ្លាស់ទេគឺការជួញដូរមានការរីកលូតលាស់ដូចសព្វមួយដង។ការរស់នៅចូរធ្វើបុណ្យដាក់ទានខ្លះដើម្បីសេចក្តីសុខទៅគ្រាខាងមុខ។
រីឯបញ្ហាគូស្នេហាកំលោះក្រមុំមានការទុក្ខខ្វាយខ្វល់ច្រើនដោយសារការមិនសូវទុកចិត្តគ្នា។
ឆ្នាំម្សាញ់
រាសីស្រុតចុះ។ ក្នុងថ្ងៃនេះបើលោកអ្នកធ្វើអ្វីក៏ដោយតែងទទួលរងការនឿយហត់ហើយធ្វើអ្វី តែងមិនហុចផលដូចជាទីពេញចិត្តនោះឡើយ។ចូរលោកអ្នកធ្វើបុណ្យដាក់ទានដើម្បីបំបាត់រាល់ ឧបទ្រពចង្រៃចេញពីខ្លួនខ្លះទើបប្រសើរ។សម្រាប់អ្នកប្រកបរបររកស៊ីជួញដូរមានការទិញចូលលក់ចេញដាច់មួយៗគ្រាន់ចិញ្ចឹមឆ្នាំងបាយអញ្ចឹងដែរតែយ៉ាងណាឱ្យប្រយ័ត្នគ្រោះចាញ់បោកគេបន្តិចព្រោះងាយរងគ្រោះណាស់។
រីឯបញ្ហាសម្ព័ន្ធស្នេហាប្រុសស្រីកុំចង់សាកល្បងកាមគុណពិសេសស្រី្តប្រយ័ត្នកើតរឿងធំខូចទាំងកិត្តិយសអស់ទាំងអនាគតភ្លឺស្វាង។
ឆ្នាំមមី
រាសីល្អជាមធ្យម។ក្នុងថ្ងៃនេះបើទោះបីលោកអ្នកណាត់ជួបនរណាក៏តែងមានភាពស្រស់បំព្រងនិងមានជោគមានជ័យផង។ការរស់នៅជួបភាពប្រទាំងប្រទើសជាមួយក្រុម មនុស្សបន្តិចតែក៏មានភាពសុខដុមល្អ។សម្រាប់អ្នកប្រកបរបររកស៊ីជួញដូរក្នុងថ្ងៃនេះជួបការលំបាកក្នុងការរកផលកម្រៃណាស់ ឯការជួញទីជិតឆ្ងាយទៀតសោតកើតមានភាពរកាំរកូសមិនតិចដែរទេ។
រីឯបញ្ហាគូស្នេហាកំលោះក្រមុំមានការហួងហែងនិងម្នាក់ៗយកភាពប្រចែប្រច័ណ្ឌដឹកមុខច្រើន។
ឆ្នាំមមែ
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកប្រកបកិច្ចការសំខាន់ឬភារៈធំដុំពីព្រោះថាផលតែងឆ្លើយតបជានិច្ច។ចំណែកអ្នកប្រកបរបររកស៊ីជួញដូរចូរលោក អ្នកបង្កើនការទំនាក់ទំនងជាមួយអ្នកដទៃឱ្យបានច្រើនព្រោះអាចទទួលផលប្រយោជន៍មកវិញយ៉ាងច្រើនជាក់ជាពុំខាន។
រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការចម្រើនលូតលាស់និងកំពុងបើកទំព័រថ្មីសម្រាប់លោកអ្នកហើយ។
ឆ្នាំវក
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកជួបមានគ្រោះយាយីនៅឡើយហេតុនេះ អាចជួបនូវផលលំបាកច្រើនចំពោះមុខ។សម្រាប់អ្នកប្រកបរបររកស៊ីជួញដូរវិញមុនធ្វើអ្វីមួយត្រូវ ចេះត្រិះរិះពិចារណាឱ្យបានគ្រប់ជ្រុងជ្រោយហើយពុំត្រូវមានគំនិតវៀចវេឡើយបើពុំនោះទេនាំជួប ផលលំបាកដោយសារអតិថិជនលែងមកក្បែរ។ការ ធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។
រីឯសម្ព័ន្ធស្នេហាប្រុសស្រីមានភាពតានតឹងដូចអ៊ំទូកបញ្ច្រាសទឹកគឺងាយថយក្រោយហើយមិនងាយលូតទៅមុខនោះឡើយ។
ឆ្នាំរកា
រាសីល្អជាមធ្យម។ យីអ៊ុនរបស់លោកអ្នកថ្ងៃនេះទោះមិនអាក្រក់បែបណាក្តី ប៉ុន្តែទោះបីធ្វើអ្វីមួយក៏ ដោយលោកអ្នកមិនអាចធ្វេសប្រហែសឬប្រមាថបានទ្បើយមិនដូច្នេះនឹងជះឥទ្ធិពលអាក្រក់ណា មួយជាក់ជាពុំខាន។ ក្នុងពេលនេះលោកអ្នកអាចមានក្រុមមនុស្សបង្កបញ្ហាឱ្យកើតការក្តៅក្រហាយ ឬនាំរឿងមកអំពល់ទុក្ខទៀតផង។បើជាអ្នកប្រកបរបររកស៊ីជួញដូរមានការជឿនលឿទៅមុខគួរសមហើយបើចង់បើករបររយះពេលខ្លីៗផងក៏អាចសាកល្បងបានដែរ។
រីឯបញ្ហាស្នេហាកំលោះក្រមុំ បើចង់ធ្វើការជ្រើសរើសគូស្រករពុំសូវល្អប៉ុន្មានទេព្រោះច្រើន ជួបគូកម្មច្រើនជាងគូព្រេង។
ឆ្នាំច
រាសីល្អជាមធ្យម។ នៅក្នុងថ្ងៃនេះបើទោះបីធ្វើអ្វីមួយក៏ដោយលោកអ្នកត្រូវតែមានការ សម្រេចចិត្ត ឱ្យបានល្អិតល្អន់ ហើយត្រូវតែចងចាំថាបើសម្រេចចិត្តត្រូវនឹងទទួលបានផលល្អការសម្រេចចិត្ត ខុសវិញគឺមិនត្រឹមខកបំណងទេគឺថែមទាំងត្រូវខ្លោចផ្សាផ្លូវចិត្តទៀតផង។អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់បើឯផលកម្រៃទៀតសោតអាចប្រមូលចូលផ្ទះវិញយ៉ាងត្រជាក់ចិត្ត។ ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
បញ្ហាសេចក្តីស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា។
ឆ្នាំកុរ
រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តឬចុះប្រកប ការងារអ្វីមួយពីព្រោះថាផ្លែផ្កាតែងហុចមកវិញជានិច្ច។ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានការរីកលូតលាស់និងផ្អែមល្ហែមប្រពៃ៕ ប្រភព៖ រស្មីកម្ពុជា
