ចំនួនពលរដ្ឋអាមេរិក អត់ការងារធ្វើកើនឡើង ខ្ពស់ក្នុងខែមេសានេះ​បង្ខំឲ្យរដ្ឋមួយចំនួន​នៅអាមេរិក មិនខ្វល់ពីការឆ្លងកូវីដ​១៩ ដោយបើកទ្វារដំណើរការសេដ្ឋកិច្ចឡើងវិញ។

 សារព័ត៌មានរ៉យទ័រ បានផ្សាយថា បើទោះបីមានការព្រមាន​ពីអ្នកឯកទេសសុខាភិបាល​សាធារណៈ តែរដ្ឋមួយចំនួនសម្រេចដំណើរការសេដ្ឋកិច្ច ក្រោយពលរដ្ឋអត់ការងារធ្វើកើន​ឡើងដល់ ១៦ភាគរយ​ក្នុងខែមេសា​។ ការបើកទ្វារដំណើរការ​សេដ្ឋកិច្ច អាចនឹងបង្កឲ្យមាន​អ្នកឆ្លង​កើនឡើង​ខ្ពស់ជាបន្តទៀត។

បច្ចុប្បន្នមានរដ្ឋ Colorado, Mississippi, Minnesota, Montana និង Tennessee បានបើកទ្វារដំណើការសេដ្ឋកិច្ច ប៉ុន្តែ​បានស្នើដល់ពលរដ្ឋប្រុងប្រយ័ត្នគ្រប់ៗគ្នា ទប់ស្កាត់​ការឆ្លង។ ភាគច្រើនរដ្ឋដែលបើកទ្វារ គឺមានអភិបាលរដ្ឋ មកពីគណបក្សសាធារណរដ្ឋ។ ចំណែកបណ្តារដ្ឋ​​ ដែលមានអភិបាលមកពីគណបក្សប្រជាធិបតេយ្យ មិនទាន់បើកទ្វារ​នៅឡើយ។

ជាក់ស្តែងនៅក្នុងរដ្ឋ Minnesota នៅព្រឹកថ្ងៃទី​២៧ ខែមីនានេះ មានពលរដ្ឋដល់ទៅ​១សែន​នាក់បានចាប់ផ្តើមទៅធ្វើការ​ នៅក្នុងក្រុមហ៊ុននានា និងការិយាល័យផងដែរ។

ពលរដ្ឋអាមេរិក មិនអាចស៊ូទ្រាំឃុំខ្លួន នៅក្នុងផ្ទះនោះឡើយ ពលរដ្ឋជាច្រើន បាននាំគ្នាធ្វើ​បាតុកម្ម​​ទាមទារ លុបច្បាប់បម្រាមគោចរ ផ្តល់សេរីភាព និងការងារធ្វើដល់ពលរដ្ឋវិញ៕ប្រែ​សម្រួលដោយ៖​ MEO

from： https://tnaot.com/km/m/detail/article/9170996