ខេត្ត Nan ជាខេត្តភាគខាងត្បុងនៃប្រទេសថៃបានបន្ធូរបន្ថយការរឹតបន្តឹងច្បាប់បិទខេត្ត ដោយអនុញ្ញាតឱ្យហាងលក់គ្រឿងអគ្គិសនីបើកដំណើរការឡើងវិញនិងអះអាងថា ឧបករណ៍អគ្គិសនីចាំបាច់សម្រាប់ជីវិតប្រចាំថ្ងៃ។ បន្ទាប់ពីបុគ្គលិកពិនិត្យសីតុណ្ហភាពអតិថិជនរួចរាល់ហើយ អតិថិជនទាំងអស់ត្រូវពាក់ម៉ាស់ និងលាងដៃជាមួយជែលអនាម័យមុនពេលចូលទៅក្នុងហាងផងដែរ។ ម្ចាស់ហាងក៏តម្រូវឱ្យសម្អាតបន្ទប់នឹងអាល់កុលជារៀងរាល់ថ្ងៃ ហើយត្រូវរក្សាគម្លាតរវាងអតិថិជននិងខ្លួនឯងផងដែរ។ Tesco Lotus ជាផ្ទះដែលមានលក់ផ្នែកឧបករណ៍អគ្គិសនីជាច្រើនដូចជា ម៉ាស៊ីនត្រជាក់ កង្ហារអគ្គិសនី និងទូរទឹកកកជាដើម។ 

​

ខេត្ត Nan បានបិទខេត្តនៅថ្ងៃទី២៤ ខែមីនាហើយ Nan ជាខេត្តមួយក្នុងចំណោមខេត្តទាំង៩ ដែលបានរួចផុតពីវីរុសកូវីដ ១៩។

ខេត្ត Buri Ram ​ក៏ជាខេត្តដែលត្រូវបានបន្ធូរបន្ថយការរឹតបន្តឹងចាប់ពីថ្ងៃទី១ ខែឧសភា សម្រាប់អាជីវកម្មមួយចំនួនរួមមានអាជីវករលក់ដូរតាមចិញ្ចើមផ្លូវ ផ្សារចៃជជុះ និងតូបអាហារចល័ត។ ប្រជាជនទាំងអស់ក្នុងខេត្តដែលមានអាយុលើសពី ១៥ ឆ្នាំត្រូវបានចេញប័ណ្ណប្រកាសដើម្បីភ្ជាប់ជាមួយអត្តសញ្ញាណប័ណ្ណឬលិខិតឆ្លងដែន។ អ្នកដែលធ្វើដំណើរចេញពីខេត្តនឹងត្រូវដាក់ឱ្យនៅដាច់ដោយឡែកពេលត្រឡប់មកវិញ។

រូបតំណាង

ទន្ទឹមនឹងនេះដែរក្រុមហ៊ុនអាកាសចរណ៍ Thai Air Asia នឹងចាប់ផ្តើមជើងហោះហើរក្នុងស្រុកមួយចំនួនឡើងវិញនៅថ្ងៃទី១ ខែឧសភា។

នាយកប្រតិបត្តិក្រុមហ៊ុនអាកាសចរណ៍លោក Santisook Klongchaiya បាននិយាយនៅថ្ងៃនេះថា ដើម្បីសុវត្ថិភាពអ្នកដំណើរ ក្រុមហ៊ុនអាកាសចរណ៍បានរៀបចំគម្លាតកន្លែងអង្គុយនៅលើយន្តហោះ ហើយអ្នកដំណើរទំាងអស់ត្រូវពាក់ម៉ាសមុនពេលឡើងយន្តហោះ  ចំណែកអាហារឬភេសជ្ជៈនឹងមិនត្រូវបានអនុញ្ញាតឱ្យយកឡើងយន្តហោះឡើយ។ ការត្រួតពិនិត្យសុខភាពមុនពេលឡើងជិះ ហើយកាបូបត្រូវបានអនុញ្ញាតឱ្យយកឡើងតែមួយប៉ុណ្ណោះដែលមានទម្ងន់មិនលើសពី ៥ គីឡូក្រាម។ អ្នកដំណើរអាចពិនិត្យមើលទិសដៅដែលកំពុងប្រតិបត្តិការដោយចូលទៅក្នុងគេហទំព័ររបស់ក្រុមហ៊ុនអាកាសចរណ៍។

កែសម្រួលដោយ៖ ភារ៉ា

ប្រភព៖ Thai PBS WORLD

from： https://tnaot.com/km/m/detail/article/9164610