នាយកសាលាបឋមសិក្សាម្នាក់ត្រូវបានចោទប្រកាន់ថា បានធ្វើបាបសិស្សស្រីម្នាក់នៅក្នុងវីដេអូមួយដែលគេបានចែកចាយបន្តតាមរយៈអ៊ីនធឺណិត។វីដេអូនេះត្រូវបានប្រគល់ទៅប៉ូលិសកាលពីថ្ងៃអង្គារ ហើយនាយកសាលាត្រូវបានចោទប្រកាន់ពីបទសម្តែងអាកប្បកិរិយាអាសអាភាសទៅលើក្មេងអាយុក្រោម ១៣ ឆ្នាំ។

នាយកសាលានោះឈ្មោះ Narongwit Phakham អាយុ ៥៩ ឆ្នាំ។ ការចោទប្រកាន់នេះត្រូវបានលាតត្រដាងនៅពេលទំព័រហ្វេសប៊ុកឈ្មោះថា« Red Skull Society » បានបង្ហោះវីដេអូឃ្លីបមួយរយៈពេល ៤នាទីដែលបង្ហាញពីសកម្មភាពនាយកសាលាបានធ្វើអំពើមិនគប្បីលើសិស្សសាលាម្នាក់នៅក្នុងការិយាល័យរបស់គាត់។ តុលាការ Lom Sak បានអនុម័តដីកាចាប់ខ្លួននាយកសាលាតាមសំណើរបស់ប៉ូលិសនៅ Ban Tiu ក្នុងស្រុក Lok Sak។ លោក Narongwit ព្រមប្រគល់ខ្លួនបន្ទាប់ពីឃើញដីការចាប់ខ្លួន។

លោក Pol Col Nikom Prompiram មេប៉ូលិស Ban Tiu បាននិយាយថាលោក Narongwit ត្រូវបានចោទប្រកាន់ពីបទធ្វើអំពើអាសអាភាសលើអនីតិជនអាយុក្រោម ១៣ឆ្នាំ។ អ្នកប្រព្រឹត្តបទល្មើសនេះនឹងត្រូវជាប់ពន្ធនាគាររហូតដល់ ២០ឆ្នាំ។ លោក Narongwit បានបដិសេធចំពោះការចោទប្រកាន់នេះ ហើយត្រូវបានដោះលែងឱ្យនៅក្រៅឃុំបណ្តោះអាសន្នរបស់ប៉ូលិសនៅយប់ថ្ងៃអង្គារបន្ទាប់ពីសាកសួររួចរាល់។ ការិយាល័យនៃគណៈកម្មការអប់រំមូលដ្ឋាន (Obec) បានបញ្ជាឱ្យមានការស៊ើបអង្កេតអំពីរឿងនេះ។ អគ្គលេខាធិការ Amnat Wichaynuwat បានមានប្រសាសន៍ថា នាយកសាលានឹងត្រូវបណ្តេញចេញប្រសិនបើរកឃើញថាមានកំហុសពិតមែន។ 

កែសម្រួលដោយ៖ ភារ៉ា

ប្រភព៖​ Bangkok post

from： https://tnaot.com/km/m/detail/article/9154555