បុរសម្នាក់មានទំនាស់ក្នុងគ្រួសារ ក៏ទាញកាំភ្លើទៅបាញ់ប្រហារលើឪពុកក្មេក ហើយត្រូវ​ប៉ូលិស​ថៃឡោមព័ទ្ធចាប់ ទើបបាញ់សម្លាប់ខ្លួន កាលពីវេលាម៉ោង៦ល្ងាច ថ្ងៃទី២០ ខែមេសា ឆ្នាំ២០២០ ស្ថិតក្នុង​ស្រុក Mueang ខេត្ត Samut Prakarn នាភាគខាងត្បូងទីក្រុងបាងកក។

បណ្ដាញផ្សព្វផ្សាយថៃ បានផ្សាយថា ក្រោយពេលកើតមានការបាញ់ប្រហារបែបនេះ ប៉ូលិសបានចុះទៅឡោមព័ទ្ធកន្លែងកើតហេតុ។ នៅពេលនេះ អាជ្ញាធរ​បានព្យាយាម​ចរចា ដើម្បីឲ្យជននោះប្រគល់ខ្លួនមកឲ្យប៉ូលិស ប៉ុន្ដែគេបានបាញ់​សម្លាប់ខ្លួន​របស់គេ នៅ​កន្លែង​ចតរថយន្ដ នៅមុខផ្ទះនោះ។

ប៉ូលិសថៃ បានបញ្ជាក់ថា ជនសង្ស័យ ឈ្មោះ Phubet អាយុ៣៧ឆ្នាំ បម្រើការងារ នៅក្នុង​កង​អង្គភាពប៉េអឹម។​ ប៉ុន្ដែបើតាមការស៊ើបអង្កេតជាបឋម បានឲ្យដឹងថា ករណីឧក្រិដ្ឋកម្មនេះ អាចកើតចេញមកពីរឿងគំនុំផ្ទាល់ខ្លួនតែប៉ុណ្ណោះ៕ ប្រែសម្រួលដោយ Nuon

from： https://tnaot.com/km/m/detail/article/9151215