Sign In 
កាលពីវេលាម៉ោង ១៥និង៣០នាទី ថ្ងៃទី១៩ ខែមេសា ឆ្នាំ២០២០ នេះសមត្ថកិច្ចក្រុងព្រះសីហនុ បានធ្វើការឃាត់ខ្លួនជនសង្ស័យម្នាក់ពាក់ព័ន្ធនឹងករណីគ្រឿងញៀន នៅចំណុចក្រុម១៧ ភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ។
ជនសង្ស័យខាងលើមានឈ្មោះ ពេជ្រ ដារ័ត្ន ភេទប្រុស អាយុ ៣៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូម១ សង្កាត់លេខ៤ ក្រុងព្រះសីហនុ ខេត្តព្រះសីហនុ។
សមត្ថកិច្ចធ្វើការដកហូតបានវត្ថុតាងមួយចំនួនរួមមាន ម្សៅក្រាមស.ថ្លាសង្ស័យជាសារធាតុញៀនចំនួន ០៩កញ្ចប់ ប្រភេទថ្នាំគ្រាប់សង្ស័យជាសារធាតុញៀនចំនួន ០៣បំណែកតូចៗ ទូរសព្ទដៃចំនួន ០១គ្រឿង ជញ្ជីងសម្រាប់ថ្លឹងគ្រឿងញៀនចំនួន០១ និងសម្ភារប្រើប្រាស់មួយចំនួនថែមទៀតផង៕ ដោយ ៖ សុង យូ
