បើតាមការចេញផ្សាយរបស់ប្រភពព័ត៌មាន Sputnik នៅថ្ងៃទី១៦ ខែមេសា ឆ្នាំ២០២០ បាន បញ្ជាក់ថា មូលនិធិរូបិយវត្ថុអន្ដរជាតិ (IMF) បានអនុម័តផ្តល់ការបន្ធូរបន្ថយបំណុលដល់ប្រទេស ចំនួន ២៥ នៅក្នុងឆ្នាំ២០២០នេះ ចំពេលវីរុសកូវីដ១៩ កំពុងរាតត្បាត។
សេចក្តីថ្លែងការណ៍ផ្លូវការបានបញ្ជាក់កាលពីថ្ងៃទី១៥ ខែមេសា ឆ្នាំ២០២០ថា ក្រុមប្រឹក្សាប្រតិបត្តិមូលនិធិរូបិយវត្ថុអន្ដរជាតិ (IMF) បានអនុម័តការបន្ធូរបន្ថយលើសេវាកម្មបំណុលសម្រាប់ប្រទេសចំនួន ២៥ នៅចំពេលដែលការរីករាលដាល ជំងឺ COVID-19 ។
សេចក្តីថ្លែងការណ៍បានបន្តថា ក្រុមប្រឹក្សាប្រតិបត្តិ ថ្ងៃនេះ បានយល់ព្រមផ្តល់ជំនួយសង្គ្រោះ សម្រាប់ប្រទេសចំនួន២៥ ជាសមាជិក ដែលមានសិទ្ធិទទួលបានការគាំទ្រពីមហន្តរាយ និងការផ្តល់ជំនួយសង្គ្រោះ (CCRT) ហើយប្រទេសចំនួន៤ទៀត ត្រូវបានគេរំពឹងថា នឹងស្នើសុំជំនួយបែបនេះ នៅក្នុងសប្តាហ៍ខាងមុខ។
លោកស្រី Kristalina Georgieva នាយកគ្រប់គ្រងមូលនិធិរូបិយវត្ថុអន្ដរជាតិ បានឲ្យដឹងថា នេះជាការផ្តល់ជំនួយដល់ប្រទេសងាយរងគ្រោះបំផុត ដែលជាសមាជិក IMF ក្នុងរយៈពេល ៦ ខែដំបូង ដើម្បីជួយពួកគេបង្វែរធនធានហិរញ្ញវត្ថុទៅតាមតម្រូវការវេជ្ជសាស្រ្តសំខាន់ៗ ខណៈមេរោគកំពុងរាតត្បាត។
ជំនួយបំណុលនេះ នឹងត្រូវផ្តល់ជូនប្រទេសអាហ្គានីស្ថាន និងយេម៉ែន, តាហ្ស៊ីគីស្ថាន, និងបណ្តារដ្ឋក្រីក្របំផុត នៅទ្វីបអាហ្រ្វិក រួមមាន ប្រទេសបេនីន, ប៊ឺរគីណា ហ្វាសូ, សាធារណរដ្ឋអាហ្វ្រិកកណ្តាល, ឆាដ, សាធារណរដ្ឋកុងហ្គោ, រវ៉ាន់ដា, តូហ្គោ, និងប្រទេសដទៃទៀត៕ ប្រែសម្រួលដោយ៖ thach yat