Bruno Fernandes បានធើ្វការសរសើរដល់ខែ្សបម្រើ Paul Pogba ថាជាកីឡាករល្អ និងពិបាកស្វែងរកកីឡាករណាដូចរូបគេណាស់នៅក្នុងក្រុម និងបន្ថែមថា រូបគេពិតជាចង់លេងជាមួយកីឡាករសញ្ជាតិបារាំងនេះ ឲ្យបានឆាប់ៗថែមទៀតផង។

Pogba នៅក្នុងរដូវកាលនេះ ត្រូវបានញុំញីដោយសាររបួសកជើង ដែលធើ្វឲ្យរូបគេលេងបានត្រឹម៨ប្រកួតប៉ុណ្ណោះក្នុងរដូវកាលនេះ។

ចាប់តាំងពីពេលនោះមក Bruno ដែលក្លឹបទិញចូលកាលពីខែមករា កន្លងទៅ បានក្លាយខ្លួនជាខែ្សបម្រើដែលមិនអាចខ្វះបាន និងត្រូវបានអ្នកគាំទ្រចាត់ទុកជាខែ្សបម្រើដ៏ល្អជាងគេក្នុងក្រុមបិសាចក្រហម Manchester United ថែមទៀតផង។

ក្នុងកិច្ចសម្ភាសរបស់គេហទំព័រក្លឹប Bruno បាននិយាយអំពីអារម្មណ៍របស់ខ្លួនទៅលើ Pogba យ៉ាងដូច្នេះថា៖ «វាពិតជាពិបាកដែលស្វែងរកកីឡាករណាដូចទៅនឹង Paul, ទាំងធំ ខ្លាំង និងបច្ចេកទេស។ គេពិតជាកីឡាករដែលមានគុណភាពខ្ពស់។ ខ្ញុំសង្ឃឹមថា រូបគេនឹងត្រលប់ចូលរួមលេងជាមួយក្រុមឆាប់ៗនេះ»៕

ប្រភព៖ Manchester United

from： https://tnaot.com/km/m/detail/article/9138988