នៅពេលនេះ លោក Joe Biden ក្លាយជាបេក្ខភាពតំណាងឲ្យគណបក្សប្រជាធិបតេយ្យ​ សម្រាប់ការបោះឆ្នោតប្រធានាធិបតី នាពេលខាងមុខ។ រហូតមកដល់ពេលនេះ លោក​ Joe Biden ទទួលបានការគាំទ្រខ្ពស់ជាងប្រធានាធិបតីអាមេរិក បច្ចុប្បន្ន លោក ដូណាល់ ត្រាំ​។

ជាមួយគ្នានេះ អតីតប្រធានាធិបតីអាមេរិក លោក បារ៉ាក់ អូបាម៉ា នៅថ្ងៃទី​១៥ ខែមេសា បានប្រកាសគាំទ្រលោក​ Joe Biden ជាអតីតអនុប្រធានាធិបតី ​ក្នុងសម័យកាលលោកដឹកនាំ ក្នុងការប្រជែងតំណែងប្រធានាធិបតី​តជាមួយ លោក ដូណាល់ ត្រាំ រហូតទទួលបាន​ជ័យ​ជម្នះ។

នៅក្នុងឃ្លីបវីដេអូ  លោក អូបាម៉ា បានបញ្ជាក់ថា​ លោក​ Biden ​គឺជាមេដឹកនាំដ៏ល្អបំផុត​សម្រាប់អាមេរិក​។ លោកបញ្ជាក់ទៀតថា លោក​ Biden ​មានលក្ខណ​សម្បត្តិគ្រប់គ្រាន់ ដើម្បីដឹកនាំអាមេរិក ទាំងបទពិសោធ​ អាចជួយឲ្យវិស័យសុខាភិបាល និងសេដ្ឋកិច្ចជាតិ​កាន់តែប្រសើរឡើង។បច្ចុប្បន្នវិស័យ​ទាំងពីរខាងលើ កំពុងរ​ងការបំផ្លាញ ដោយកូវីដ-១៩។

លោក អូបាម៉ា​ បញ្ជាក់ទៀតថា អាមេរិក នឹងមានមោទកភាព បើលោក ​Biden ដឹកនាំនោះ។​ ការលើកឡើងខាងលើរបស់អតីតប្រធានាធបតី អូបាម៉ា ក្រោយពេល លោកBernie Sanders ប្រកាសដកខ្លួនចេញពីបេក្ខភាព ហើយគាំទ្រលោក ​Biden ក្នុងការបោះឆ្នោត នាពេលខាងមុខ។ បច្ចុប្បន្ន លោក Biden ជាបេក្ខភាពតែមួយគត់តំណាង​ឲ្យគណបក្សប្រជាធិបតេយ្យ ប្រជែងជាមួយលោកត្រាំ។

នេះជា​លើកទី​១ ដែលអតីតប្រធានាធិបតី អូបាម៉ា បានគំាទ្រអតីតកូនចៅរបស់ខ្លួន ប្រជែងកៅអី នៅសេតវិមាន​៕ ប្រែសម្រួលដោយ៖​ MEO

from： https://tnaot.com/km/m/detail/article/9136684