បាល់ទាត់៖ ក្លិបបាល់ទាត់អាល្លឺម៉ង់ Hertha Berlin បានប្រកាសតែងតាំងគ្រូបង្វឹកទី៤ របស់ខ្លួនក្នុងរដូវកាលនេះគឺលោក Bruno Labbadia បន្តតំណែងពីលោក Jurgen Klinsmann ដែលចាកចេញ។ លោក Labbadia មកដល់ពេលនេះគឺជំនួសតំណែងលោក Alexander Nouri ដែលបានដឹកនាំបណ្តោះអាសន្នបាន ៤ប្រកួតមកហើយបន្តពីលោក Klinsmann ។

លោក Klinsmann ត្រូវបានតែងតាំងកាលពីថ្ងៃទី២៧ ខែវិច្ឆិកាឆ្នាំមុន តែអតីតខ្សែប្រយុទ្ធអាល្លឺម៉ង់ធ្លាប់ដឹកនាំអាមេរិករូបនេះ ក៏បានចាកចេញទៅវិញក្រោយដឹកនាំបានទើបតែ ៩ប្រកួត។ ចំណែកលោក Bruno Labbadia វ័យ ៥៤ឆ្នាំមុនមកដល់ Hertha Berlin នេះលោកធ្លាប់ដឹកនាំក្លិបជាច្រើននៅអាល្លឺម៉ង់ ដូចជា Wolfsburg, Stuttgart, Hamburger, Bayer Leverkusen, Greuther Furth និង Darmstadt ៕

from： https://tnaot.com/km/m/detail/article/9130747