តារាសម្តែងរាងខ្ពស់ស្រឡះកញ្ញា រចនា រ៉ាវាឌី កំពុងតែត្រូវប៉ាន់ខ្លាំងនៅលើវិថីសិល្បៈ ទទួលបានការគាំទ្រច្រើនពីសំណាក់មហាជន ដោយសារនាងមានសម្ថភាព រួមជាមួយរូបសម្ផស្សស្រស់ស្អាតពីធម្មជាតិ។

ជាក់ស្តែងថ្មីៗនេះកញ្ញា រចនា រ៉ាវាឌី បានធ្វើឲ្យអ្នកគាំទ្រសម្តែងក្តីរំភើបចិត្តយ៉ាងខ្លាំង ក្រោយពីតារាស្រីរូបនេះ បានចែកអំណោយជូនដល់ជនក្រីក្រ​​ មានដូចជា អង្ករ មី អាហារ ថវិកា និងសម្ភារៈមួយចំនួនផ្សេងទៀត។

ជាមួយគ្នានោះដែរកញ្ញា រចនា បានបង្ហាញអារម្មណ៍សប្បាយចិត្តថា “នេះជាទឹកចិត្ត និងលទ្ធភាពបន្តិចបន្តួចរបស់ពួកខ្ញុំ សង្ឃឹមថាអាចជួយរំលែកទុក្ខលំបាករបស់ពួកគាត់បានខ្លះផងចុះអរគុណមែនទែនចំពោះសប្បុរសជនទាំងអស់ដែលបានចូលជាថវិការ ស្បៀងអាហារ និងកំលាំងកាយចិត្តនៅក្នុងសកម្មភាពឡើងនេះ សូមជូនពរឲ្យអ្នកទាំងអស់គ្នា និងក្រុមគ្រួសារ ជួបប្រទះតែសេចក្តីសុខ រកទទួលទានមានបាន​ មានតែរឿងល្អៗចូលមកក្នុងជីវិត និងចៀសឆ្ងាយពីជំងឺទាំងឡាយទាំងពួង”។

ជាចុងក្រោយកញ្ញា រចនា រ៉ាវាឌី សំណូមពរឲ្យបងប្អូនទាំងអស់ ត្រូវថែរក្សាអនាម័យ គោរពតាមបទបញ្ជា និងការណែនាំរបស់ក្រសួងសុខាភិបាល និងរាជរដ្ឋាភិបាលទាំងអស់  ដើម្បីប្រទេសយើងគ្មានជំងឺ កូវីដ១៩៕

អត្ថបទដោយ៖ សុក លក្ខិណា  

from： https://tnaot.com/km/m/detail/article/9130684