បើគិតត្រឹមរយៈពេល២៤ម៉ោងចុងក្រោយនេះ មានអ្នកឆ្លងថ្មី នៃកូវីដ១៩ ចំនួន៨៥៣៨៩នាក់ និងស្លាប់៦៣៦១នាក់ ហើយនេះជាចំនួនមួយគួរឲ្យភ័យខ្លាច និងក៏មិនទាន់មានសញ្ញាណាថមថយនោះដែរ។

ចាប់តាំងពីការផ្ទុះឡើង នៃវីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា ហៅកាត់ កូវីដ១៩ (CORONAVIRUS DISEASE 2109 = COVID-19 ) នៅក្នុងទីក្រុងវូហាន ខេត្តហ៊ូប៉ី ប្រទេសចិន នាអំឡុងខែធ្នូ ឆ្នាំ២០១៩ រហូតមកដល់នឹងវេលាម៉ោង៩ព្រឹក ថ្ងៃទី៩ ខែមេសា ឆ្នាំ២០២០ (ម៉ោងនៅកម្ពុជា)​ វីរុសដ៏កាចសាហាវនេះ បានរាតត្បាតលើប្រទេស និងដែនដីចំនួន២០៩ នៅជុំវិញពិភពលោក។ នៅលើពិភពលោក មានអ្នកឆ្លងវីរុស កូវីដ១៩ សរុប ១ ៥១៧ ០៩៥នាក់ ក្នុងនោះស្លាប់ ៨ ៨៤៤១នាក់ និងជាសះស្បើយចំនួន ៣២៩ ៩៥៥នាក់។

មហាអំណាចលេខ១របស់ពិភពលោក​ ទាំងសេដ្ឋកិច្ច និងយោធា បានក្លាយជាប្រទេសមានអ្នកឆ្លងច្រើនជាងគេបំផុត។ អាមេរិកមានអ្នកឆ្លងវីរុសកូវីដ១៩ កើនឡើងដល់ ៤៣៤ ០៦២នាក់ ក្នុងនោះស្លាប់ ១៤ ៧៧៤នាក់ និងជាសះស្បើយ ២២៥៨០នាក់។

ដោយឡែកអេស្ប៉ាញ បានក្លាយជាប្រទេសមានអ្នកឆ្លងច្រើនលំដាប់លេខ២ នៅទូទាំងពិភពលោក ដោយមានអ្នកផ្ទុក ចំនួន ១៤៨ ២២០នាក់ ក្នុងនោះស្លាប់១៤ ៧៩២ និងជាសះស្បើយ៤៨០២១។ រីឯអ៊ីតាលី ជា​ប្រទេស​មានអ្នកឆ្លងលំដាប់លេខ៣ នៅលើពិភពលោក ដោយមានអ្នកឆ្លងចំនួន១៣៩ ៤២២នាក់ ក្នុងនោះស្លាប់ ចំនួន១៧ ៦៦៩នាក់ និងជាសះស្បើយចំនួន២៦៤៦១នាក់។

ទោះជាយ៉ាងណា អ៊ីតាលីក៏នៅតែជាប្រទេសមានអ្នកស្លាប់ដោយសារជំងឺកូវីដ១៩ច្រើនជាងគេបំផុត នៅលើពិភពលោក។ ដោយឡែកទីក្រុងវូហាន ជាទីផ្ទុះឡើង នៃវីរុសដ៏កាចសាហាវនេះ ហើយត្រូវបិទទីក្រុងទាំង មូលនោះ តែរហូតមកដល់ពេលនេះ ត្រូវបានគ្រប់គ្រងទាំងស្រុង និងលុបចោលនូវច្បាប់បម្រាមគោចរនោះវិញហើយ។ ពលរដ្ឋនៅទីនោះ អាចធ្វើដំណើរទៅប្រកបអាជីវកម្មឡើងវិញជាធម្មតា៕ ប្រែសម្រួលដោយ Nuon

from： https://tnaot.com/km/m/detail/article/9113974