ភ្នំពេញ៖ ការប្រឡងសញ្ញាបត្រមធ្យមសិក្សាបឋមភូមិ និងការប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា ២០១៩-២០២០ ត្រូវបានពន្យារពេលហើយ។ នេះបើយោងតាមសេចក្ដីណែនាំរបស់ក្រសួងអប់រំ យុវជន និងកីឡា នាថ្ងៃទី៨ ខែមេសា ឆ្នាំ២០២០។

ការប្រឡងសញ្ញាបត្រមធ្យមសិក្សាបឋមភូមិ (ថ្នាក់ទី៩) ដែលគ្រោងប្រព្រឹត្តិទៅនៃថ្ងៃទី៣ ដល់ថ្ងៃទី១០ ខែសីហា ឆ្នាំ២០២០ ខាងមុខ នឹងត្រូវពន្យារគ្មានកាលកំណត់ ។ ចំណែកឯការប្រឡងសញ្ញាបត្រមធ្យមសិក្សាទុតិយភូមិ (ថ្នាក់ទី១២) ដែលត្រូវប្រឡងចាប់ទីថ្ងៃទី១៧ ខែសីហា រហូតដល់ថ្ងៃទី៩ ខែកញ្ញា ឆ្នាំ២០២០ ក៏ត្រូវពន្យារពេលគ្មានកាលកំណត់ផងដែរ រហូតដល់ក្រសួងប្រកាសថ្ងៃប្រឡងជាថ្មី។

ក្រសួងអប់រំ ក៏បានអំពាវនាវ ដល់ប្អូនៗសិស្សានុសិស្សត្រូវធ្វើស្វ័យសិក្សានៅតាមផ្ទះ ដោយប្រើប្រាស់សៀវភៅសិក្សាគោល និងតាមរយៈប្រព័ន្ធអេឡិចត្រូនិក (E-Learning) ដែលមាននៅក្នុងគេហទំព័រផ្លូវការរបស់ក្រសួងអប់រំ ដូចជា យូធូប ហ្វេសហ៊ុក និងវែបសាយ ជាដើម។

សូមជម្រាបថា គិតមកត្រឹមព្រឹកថ្ងៃទី១៧ ខែមេសា ឆ្នាំ២០២០នេះ មានមនុស្សសរុបចំនួន ១១៧នាក់ហើយបានរកមានវិជ្ជាមានមេរោគកូវីដ១៩ ខណៈចំនួនអ្នកជាសះស្បើយមានរហូតដល់ ៦៣នាក់ នៅលើទឹកដីព្រះរាជាណាចក្រកម្ពុជា៕ ដោយ៖ តារា

from： https://tnaot.com/km/m/detail/article/9111189