ម្តាយរបស់លោក Pep Guardiola ជាអ្នកចាត់ការទូទៅរបស់ក្រុម Manchester City (លោកស្រី Dolors Sala Carrio) បានទទួលមរណភាពក្នុងអាយុ ៨២ឆ្នាំ នៅទីក្រុង Barcelona ប្រទេសអេស្បាញ ដោយសារតែជំងឺកូវីដ១៩។

រូបតំណាង

បើតាមបណ្តាញផ្សព្វផ្សាយផ្លូវការរបស់ក្រុម Manchester City បាននិយាយថា “ គ្រប់គ្នាក្នុងក្លឹបទាំងអស់ សូមចូលរួមរំលែកទុក្ខអស់ពីដួងចិត្តនៅខណៈពេលដ៏សែនក្រៀមក្រំជូនចំពោះ Pep គ្រួសាររបស់គាត់ និងមិត្តភក្តិរបស់គាត់ផងដែរ”

លោក Pep Guardiola ធ្លាប់ជាអ្នកចាត់ការទូទៅរបស់ក្រុម Barcelona និងក្រុម Bayern Munich ហើយលោកត្រូវបានតែងតាំងជាអ្នកចាត់ការទូទៅរបស់ក្រុម Manchester City នៅក្នុងឆ្នាំ២០១៦។

រូបតំណាង

សម្រាប់តែក្នុងថ្ងៃទី៦ ខែមេសានេះ នៅប្រទេសអេស្បាញ មានករណីស្លាប់ដោយជំងឺកូវីដ១៩ ចំនួន៦៣៧ករណី ដែលធ្វើឱ្យចំនួនអ្នកស្លាប់កើនដល់ ១៣,០៥៥នាក់។

រូបតំណាង

ប្រែសម្រួលដោយ៖ កញ្ញា ស៊ីរ័ត្ន

ប្រភព៖ BBC

from： https://tnaot.com/km/m/detail/article/9106910