អំឡុងពេលដែលមានស្ថានភាពស្មុគស្មាញនៃការរីករាលដាលនៃកូវីដ ១៩ ដែលកាន់តែលំបាកក្នុងការរកទិញអាហារនៅខាងក្រៅ ហើយត្រូវមានហាងមួយចំនួនបិទបណ្តោះអាសន្ន ដែលតម្រូវឲ្យមនុស្សជាច្រើនរៀបចំម្ហូបអាហារក្រៀមៗដើម្បីទុកក្នុងផ្ទះដូចជា មីនិងគុយទាវកញ្ចប់ជាដើម។ ការទិញ មី និងគុយទាវកញ្ចប់នេះមិនមែនជាជម្រើសដ៏ល្អសម្រាប់សុខភាពនោះទេ។ មី គឺជាអាហារម្យ៉ាងដែលមានហានិភ័យខ្ពស់នៃជំងឺមេតាបូលីស (Metabolic Syndrome) ដែលជាបណ្ដុំនៃអាការៈដូចជា សម្ពាធឈាមឡើងខ្ពស់ ជាតិស្ករក្នុងឈាមឡើងខ្ពស់ លើសជាតិខ្លាញ់ត្រង់ចង្កេះ និងកម្រិតកូឡេស្តេរ៉ុលខុសធម្មតា។ នៅលើទីផ្សារសព្វថ្ងៃសំបូរណាស់ទៅដោយអាហារដែលជួយឲ្យមានសុខភាពល្អ និងអាចរក្សាទុកបានយូរ។

រូបតំណាង

អាហារទាំងអស់នោះរួមមាន៖ 

ផ្សិត

រូបតំណាង

ផ្សិតក៏ជាបន្លែដែលមានជីវជាតិ និងជួយឲ្យមានសុខភាពល្អផងដែរ។ បន្ថែមលើអាហារខាងលើអ្នកគួរទិញផ្សិត ដើម្បីចម្អិនម្ហូបអាហារសម្រាប់គ្រួសារប្រចាំថ្ងៃ និងអាចចម្អិនបន្តិចម្តងៗទៅតាមតម្រូវការ មិនត្រឹមតែប៉ុណ្ណោះវាក៏អាចរក្សាទុកបានយូរផងដែរ។ វិធីថែរក្សាផ្សិតបានយូរ អ្នកគួរតែរក្សានៅក្នុងក្រដាសខ្ចប់ដោយមិនបាច់លាងសម្អាត បន្ទាប់មកដាក់ជីវ៉ាន់ស៊ុយបន្តិចនិងដាក់ចូលក្នុងទូរទឹកកកជាកាសេ្រច។ ជីវ៉ាន់ស៊ុយដើរតួជាសារធាតុប្រឆាំងអុកស៊ីតកម្ម និងការពារការឡើងអ៊ុចៗពណ៌ត្នោតនៅលើផ្សិត និងអាចរក្សាបានយ៉ាងតិចពី ៣ ទៅ ៥ថ្ងៃ។ 

ល្ពៅ

រូបតំណាង

ផ្លែល្ពៅចាស់ អាចរក្សាទុកបានយ៉ាងយូរបំផុតមួយសប្តាហ៍។ រីឯស្លឹកល្ពៅស្រស់ ក៏អាចរក្សាទុកបានយូរផងដែរ ប្រសិនជាដាក់ក្នុងទូទឹកកកប្រហែលពីរ ទៅបីខែទើបខូចគុណភាព។ ផ្លែល្ពៅមានទម្ងន់ ១០០ ក្រាមមានសារធាតុកាបូអ៊ីដ្រាត ៥.៣ ក្រាម។ ម៉្យាងវិញទៀតល្ពៅសំបូរទៅដោយសារធាតុ បេតាការ៉ូទីន ជាវីតាមីនដែលមានឥទ្ធិពលយ៉ាងខ្លាំងក្នុងការជួយបង្កើនប្រព័ន្ធភាពស៊ាំ ធ្វើឱ្យភ្នែកភ្លឺ និងការពារពីជំងឺមហារីក។ ល្ពៅអាចត្រូវបានកែច្នៃទៅជាម្ហូបអាហារដែលមានរសជាតិឆ្ងាញ់ដូចជា ស្ងោរឆា សម្លប្រហើរ ស៊ុប និងបង្អែមជាដើម…។ 

ម្សៅកាកាវ

រូបតំណាង

ម្សៅកាកាវគ្មានជាតិស្ករ អាចរក្សាទុកបានយូរក្នុងរយៈពេលប្រហែលជា 3 ឆ្នាំនៅសីតុណ្ហភាពល្មម ប្រសិនជាយើងរក្សាទុកវា នៅក្នុងកញ្ចប់ ឬដបឲ្យបានត្រឹមត្រូវ។

សណ្តែកស្ងួត

រូបតំណាង

គឺជាប្រភេទគ្រាប់ធញ្ញជាតិដែលសំបូរទៅដោយប្រូតេអ៊ីនដែលមានជាតិខ្លាញ់ និងកូឡេស្តេរ៉ុលទាប។ អ្នកអាចទិញវាយកមកចម្អិនជាម្ហូបអាហារក៏បាន ស្ងោរ លីងញុំាលេងក៏បានដែរ។ ប៉ុន្តែមុនពេលដែលយកទៅចម្អិនសូមត្រាំវាជាមួយទឹកស្អាតរយៈពេលយ៉ាងតិច ៣០ នាទីសិន។ 

ទាំងអស់នេះគឺជាអាហារដែលជាជម្រើស៏ល្អសម្រាប់សុខភាពរបស់អ្នក និងអាចរក្សាទុកបានយូរអំឡុងពេលដែលមានជំងឺកូវីដ ១៩ កំពុងតែរីករាលដាលនេះផងដែរ។ ជំងឺនេះវានឹងងាយកើតបំផុតទៅលើអ្នកដែលមិនបានការពារត្រឹមត្រូវ និងថែរក្សាសុខភាពឲ្យបានល្អ។ ដូច្នេះស្របពេលដែលអ្នកកំពុងតែនៅផ្ទះ និងផ្អាកការដើរចេញទៅក្រៅផ្ទះអ្នកគួរតែទិញបន្លែ និងអាហារទាំងអស់នេះជំនួសដោយមី និងគុយទាវកញ្ចប់សម្រាប់ចម្អិនទុកឲ្យក្រុមគ្រួសារ និងកូនៗបានញុំា និងមានសុខភាពល្អផងដែរ៕  

ប្រែសម្រួលដោយ៖  Seyha 

from： https://tnaot.com/km/m/detail/article/9103995