Sign In 
នៅថ្ងៃទី៥ ខែមេសា ឆ្នាំ២០២០ ក្រសួងសុខាភិបាលថៃបានប្រកាសថា ជំងឺ COVID-19នៅក្នុងប្រទេសថៃ ដែលជាករណីថ្មីនោះបានកត់ត្រាចំនួន១០២នាក់ ។ ចំណែកអ្នកជំងឺដែលបាត់បង់ជីវិតកើនឡើង៣នាក់បន្ថែមទៀត ។
ការកើនឡើងនេះ ធ្វើឲ្យប្រទេសថៃមានអ្នកឆ្លង COVID-19 សរុប ២ ១៦៩នាក់ ក្នុងនោះអ្នកបាត់បង់ជីវិតកើន២៣នាក់ ។ 
គួរបញ្ជាក់ថា វីរុស COVID-19 ចាប់ផ្តើមឆ្លងរាតត្បាតខ្លាំងនៅក្នុងប្រទេសថៃ ចាប់ពីខែមករា ឆ្នាំ២០២០ រហូតមកទល់នឹងពេលបច្ចុប្បន្ននេះ ។
កាលពីថ្ងៃទី៤ ខែមេសា ប៉ូលិស និងយោធាក្នុងប្រទេសថៃបានបង្កើតប៉ុស្តិ៍យាមកាមសន្តិសុខរាប់រយកន្លែងនៅទូទាំងប្រទេស ដើម្បីត្រួតពិនិត្យ និងអនុវត្តច្បាប់បម្រាមគោចរ ។ មនុស្សជាច្រើនត្រូវបានណែនាំឲ្យស្ថិតនៅតែក្នុងផ្ទះ ដើម្បីប្រយុទ្ធប្រឆាំងវីរុសCOVID-19 កុំឲ្យឆ្លងរាតត្បាត ។ ប៉ុស្តិ៍ត្រួតពិនិត្យសន្តិសុខរហូតដល់៤២១កន្លែងត្រូវបានបង្កើតឡើង ។ 
បម្រាមគោលចរនេះមិនអនុវត្តទៅលើការដឹកជញ្ជូនបរិក្ខារវេជ្ជសាស្ត្រ, ការចល័តរបស់បុគ្គលិកសុខាភិបាល និងការធ្វើដំណើរទៅបំពេញការងារ ឬត្រឡប់ពីបំពេញការងារនោះទេ ។
គួរបញ្ជាក់ថា វីរុស COVID-19 ចាប់ផ្តើមឆ្លងរាតត្បាតខ្លាំងនៅប្រទេសនេះនៅក្នុងខែមីនា ។ មនុស្សជាង២០០០នាក់ត្រូវអាជ្ញាធរថៃដាក់ឲ្យស្ថិតនៅដោយឡែកពីគេឯង តាមវិធានការរដ្ឋាភិបាលនាយករដ្ឋមន្ត្រីប្រាយុទ្ធ ចាន់អូចា ។ 
គួរលើកយកមកនិយាយផងដែរថា វីរុស COVID-19 ផ្ទុះឡើងដំបូងគេនៅក្នុងខែធ្នូ ឆ្នាំ២០១៩ ស្ថិតនៅទីក្រុងវូហាន ខេត្តហ៊ូប៉ី ភាគកណ្តាលប្រទេសចិន ។
វីរុសនេះឆ្លងរាលដាលពាសពេញពិភពលោក នៅក្នុងដែនដី និងប្រទេសជាង២០០ ។ ឆ្លងទៅលើមនុស្ស ១ ២៩៣ ៤៨៥នាក់ ក្នុងនោះបាត់បង់ជីវិត ៦៤ ៧៨៤នាក់ ។ ប៉ុន្តែអ្នកជំងឺ ២៤៧ ៩៤៣នាក់បានជាសះស្បើយវិញផងដែរ ។ ជំងឺនេះមិនទាន់មានថ្នាំព្យាបាលនៅឡើយទេ ។ 
សហរដ្ឋអាមេរិក, អេស្ប៉ាញ និងអ៊ីតាលី ជាប្រទេសរងគ្រោះដោយសារវីរុស COVID-19 នេះខ្លាំងជាងគេបំផុតនៅក្នុងពិភពលោក ៕ ប្រែសម្រួលដោយ៖ thach yat 
