Sign In 
ភ្នំពេញ៖ មនុស្សយ៉ាងហោចណាស់ ៥នាក់ ត្រូវឃាត់ខ្លួនក្នុងប្រតិបត្តិការបង្ក្រាបទីតាំងល្បែងស៊ីសងមួយកន្លែងក្នុងទឹកដីខណ្ឌចំការមន។
ប្រតិបត្តិការនេះ ធ្វើឡើងដោយកម្លាំងគណៈបញ្ជាការឯកភាពខណ្ឌចំការមន កាលពីរសៀលថ្ងៃ ទី៣ ខែមេសា ខណៈទីតាំងល្បែងស៊ីសងអនឡាញមួយនេះ បើកលួចលាក់ក្នុងហាងកាហ្វេយីហោ ម្លប់ជ្រៃ ស្ថិតនៅចំណុចផ្លូវលេខ ៤៧៤ សង្កាត់បឹងត្របែក ខណ្ឌចំការមន រាជធានីភ្នំពេញ។
ប្រតិបត្តិការខាងលើនេះ សមត្ថកិច្ចឃាត់ខ្លួនមនុស្សប្រុសស្រីសរុប ៥នាក់ និងសម្ភារសម្រាប់លែងភ្នាល់ស៊ីសងគ្រប់ប្រភេទមួយចំនួន រួមទាំងម៉ូតូចំនួន ១០គ្រឿង។
មកទល់នឹងពេលនេះ ជនសង្ស័យ រួមនិងវត្ថុតាង ត្រូវសមត្ថកិច្ចបញ្ជូនទៅកាន់អធិការដ្ឋាននគរបាលខណ្ឌចំការមន ដើម្បីធ្វើការសួរនាំ និងចាត់ការតាមនិតិវិធី៕ ដោយ៖ សួង សាម
