មន្ត្រីសុខាភិបាលអ៊ីតាលី បានប្រកាសនៅថ្ងៃទី​៣១ ខែមីនា ថា ​កូវីដ-១៩​ នៅក្នុងប្រទេសនេះបានឈានដល់កម្រិតកំពូលហើយ ក្រោយមានអ្នកស្លាប់រហូតដល់​៨៣៧នាក់ ក្នុងមួយថ្ងៃ​។ អ៊ីតាលី​ ជាប្រទេស ដែលរង គ្រោះធ្ងន់ជាងគេបំផុត ចាប់តាំងពីផ្ទុះកូវីដ-១៩មក ដោយប្រទេសនេះមានអ្នកស្លាប់ សរុបកើនឡើងដល់ទៅ​ជាង១២ពាន់នាក់ និង ជាង១សែននាក់ឆ្លងកជំងឺនេះ។

ប៉ុន្តែនេះក៏មានសញ្ញាល្អប្រសើរជាងមុនបន្តិច ដោយក្នុងតំបន់  Lombardy ​មានចំនួនអ្នកឆ្លងថយចុះ​ ជាបន្តបន្ទាប់​៦ថ្ងៃជាប់គ្នា ហើយក្នុងថ្ងៃទី​៣១ ខែមីនា​មានអ្នកឆ្លងតែ​១០៤៧នាក់ប៉ុណ្ណោះ​។ មន្ត្រីសុខាភិបាលអ៊ីតាលី សង្ឃឹមថា ចំនួនអ្នកឆ្លងធ្លាក់ចុះ និងជួយឲ្យចំនួនអ្នកស្លាប់ធ្លាក់ចុះផងដែរ ក្នុងពេលខាងមុខ​។ លោកបន្តទៀតថា នៅសប្តាហ៍ក្រោយនឹងមានអ្នកស្លាប់ថយចុះវិញហើយ ដោយមិនមានអ្នកជំងឺធ្ងន់ៗឡើយ។

រដ្ឋាភិបាលអ៊ីតាលីបានប្រកាសថា ច្បាប់អាសន្ន នឹងបន្តអនុវត្ត រហូតដល់ថ្ងៃទី​១២ ខែមេសា ខណៈការរាលដាល កូវីដ-១៩ នៅតែបន្តកើនឡើងដដែល។ ការដាក់ប្រទេសក្នុងគ្រាអាសន្ន បានជួយសង្គ្រោះពលរដ្ឋអ៊ីតាលី ដល់ទៅ​៣៨ពាន់នាក់រួចផុតពីក្តីស្លាប់​។ នៅថ្ងៃទី​៣១ ខែមីនា អ៊ីតាលី បានបង្ហូតទង់ជាតិ​ត្រឹមពាក់កណ្តាលប៉ុណ្ណោះ ជាការកាន់ទុក្ខ និងចំណាយពេល​១នាទី គោរពវិញ្ញានក្ខន្ធ​ដល់ជនរងគ្រោះ ដោយកូវីដ-១៩។

នៅថ្ងៃទី​៣១ ខែមីនា ប្រទេសដែលមានអ្នកស្លាប់ដោយកូវីដ-១៩ច្រើនជាងគេ ក្នុងរយៈ២៤ម៉ោង ចុងខែមីនា គឺប្រទេសអេស្ប៉ាញ ដោយមានអ្នកស្លាប់ដល់ទៅ៨៤៩នាក់។ បន្ទាប់មកគឺអ៊ីតាលី មានអ្នក​ស្លាប់៨៣៧នាក់​ក្នុងថ្ងៃ និងលំដាប់ទី​៣ អាមេរិកមានអ្នកស្លាប់ជាង៧០០នាក់ក្នុងមួយថ្ងៃ ៕ ប្រែសម្រួលដោយ៖MEO

from： https://tnaot.com/km/m/detail/article/9095135