Sign In 
រថយន្តមួយគ្រឿង ត្រូវបានចត់ទុកចោល ខណៈពេលមានអណ្តាតភ្លើងឆេះឡើង យ៉ាងសន្ធោសន្ធៅ បង្កឱ្យមានការភ្ញាក់ផ្អើល ពីមនុស្សរស់នៅក្នុងតំបន់។
ហេតុការណ៍នេះ បានកើតឡើងកាលពីវេលាម៉ោង១និង១០នាទីរំលងអធ្រាត្រ ថ្ងៃទី៨ ខែសីហា ឆ្នាំ២០២០ ស្ថិតនៅចំណុចភូមិជ្រៃធំ សង្កាត់ព្រៃអង្គុញក្រុងបាវិត ខេត្តស្វាយរៀង។
បើយោងតាមនាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិបានឱ្យដឹងថា ករណីឆេះរថយន្ត១គ្រឿងខាងលើ ម៉ាក Camaryឆ្លាម ពណ៌ស្ករពាក់ស្លាកលេខភ្នំពេញ 2X 2578 កម្មសិទ្ធិឈ្មោះ សេក សុខុន ភេទប្រុស អាយុ៥២ឆ្នាំ។
មូលហេតុនៃការឆេះរថយន្តមួយគ្រឿងនេះ គឺបណ្តាលមកពីឆ្លងប្រពន្ធ័ភ្លើង ។
កម្លាំងនគរបាលក្រុងបាវិតសហការជាមួយកម្លាំងកងអាវុធហត្ថ បានអន្តរាគមន៍ជួយពន្លត់អគ្គិភ័យបានទាន់ពេលវេលា ទើបមិនបណ្តាលឱ្យមានគ្រោះថ្នាក់កើតឡើង៕ ដោយ៖ត្នោត
