យោងតាមតារាងរបស់ Hanteo តារាចម្រៀង Kang Daniel បានលក់អាល់ប៊ុមបទចម្រៀងទោលទាំង៣របស់គាត់រហូតទៅដល់ជាង ១លានបន្ទះ គិតត្រឹមរសៀលថ្ងៃទី ៦ ខែសីហានេះ ។

Kang Daniel បានធ្វើការសម្តែងជាសិល្បៈករទោលដំបូងរបស់គាត់នៅខែកក្កដាឆ្នាំ២០១៩ ជាមួយអាល់ប៊ុមទោលដំបូងរបស់គាត់ ដែលមានចំណងជើងថា Color On Me ។ ចាប់តាំងពីពេលនោះមក អាល់ប៊ុម Color On Me បានលក់ដាច់ចំនួន ៤៧២ ៨១១បន្ទះ ។ បន្ទាប់មកនៅក្នុងខែមីនាឆ្នាំនេះ Kang Daniel បានប្រកាសចេញផ្សាយនូវអាល់ប៊ុមតូចមួយទៀតរបស់គាត់ ដែលមានចំណងជើងថា Cyan ហើយបានលក់ដាច់ជាផ្លូវការចំនួន ២៦៥ ១០១បន្ទះ ។

ទីបំផុត Kang Daniel បានវិលត្រឡប់មកជាមួយអាល់ប៊ុមថ្មីររបស់គាត់កាលពីថ្ងៃទី៣ ខែសីហា គ្រាន់តែរយៈពេល ៤ថ្ងៃនៃការចេញអាល់ប៊ុមថ្មី Magenta បានលក់អស់ ២៧៣ ៤៦៨បន្ទះ ។ គួរបញ្ជាក់ដែរថា ការលក់អាល់ប៊ុមទាំង៣ របស់ Kang Daniel បានលក់ដាច់សរុបចំនួន ១ ០១១ ៣៨០បន្ទះ ដែលបង្ហាញពីប្រជាប្រិយភាពនៃតារាចម្រៀងទោលក្នុងវិស័យ K-Pop មួយនេះ ៕

ប្រែសម្រួលដោយ៖ វិបុត្រ

ប្រភព៖ allkpop

from： https://tnaot.com/km/m/detail/article/9564787