ភ្នំពេញ៖ដើមត្រសេក ធំមួយដើមត្រូវបានបាក់សង្កត់លើនារីម្នាក់ដែលធ្វើដំណើរតាមផ្លូវ ទាំងកណ្តាកថ្ងៃត្រង់​ ដោយមូលហេតុដើមឈើធំមួយដើមនោះគឺបាក់ដាច់ឬសកែវបណ្ដាលអោយរលំតែម្ដង។

ហេតុការណ៍បាក់ដើមឈើនេះ បង្ករកាភ្ញាក់ផ្អើលកាលពីវេលាម៉ោង ២រសៀល ថ្ងៃទី០៦ ខែកក្កដា ឆ្នាំ២០២០ នៅតាមបណ្ដោយ មហាវិថីកម្ពុជាក្រោម ក្នុង​សង្កាត់មិត្តភាព ខណ្ឌ៧មករា រាជធានីភ្នំពេញ។

ប្រភពព័ត៌មានពីប្រជាពលរដ្ឋ បានប្រាប់អោយដឹងថានៅមុនពេលកើតហេតុគឺ ពុំមាន មេឃភ្លៀងឬខ្យល់បោកបក់កន្ទ្រាត់អ្វីនោះទេ ស្រាប់តែ ដើមត្រសេកធំ១ដើមនេះ រលំបាក់តែម្ដងហើយបានដួលសង្កត់

លើកម៉ូតូមួយគ្រឿងម៉ាក់ ឡែត ពណ៌ផ្កា ពាក់ស្លាកលេខភ្នំពេញ 1BZ-5423 របស់អ្នកធ្វើដំណើរកំពុងបើកបរតាមបណ្ដោយមហាវិថីកម្ពុជាក្រោម ក្នុងទិសដៅពីលិចទៅកើត ខណៈមកដល់ចំណុច កើតហេតុ ដើមត្រសេកស្រាបតែបាក់សង្កត់បណ្ដាលអោយនារីម្នាក់កំពុងជិះម៉ូតូរងរបួសធ្ងន់បញ្ជូនទៅមន្ទីរពេទ្យភ្លាមៗ។

ក្រោយពេលកើតហេតុសាលាធានីភ្នំពេញ បានចាត់កម្លាំងចុះមកកាត់ដើមឈើយកចេញដើម្បី ជៀសវាងការកក់ស្ទះចរាចរណ៍៕ផេងភាព

from： https://tnaot.com/km/m/detail/article/9562027