Sign In 
នាវេលាទៀបភ្លឺនោះ មានបងប្អូនប្រជាពលរដ្ឋខ្លះចេញហាត់ប្រាណ និងខ្លះទៀតក៏ចេញទៅប្រកបការងារលក់ដូរដូចសព្វដង ស្រាប់តែប្រទះឃើញផ្ទះខាងលើមានផ្សែងហុយខ្មួល និងមានអណ្ដាតភ្លើងឆេះនៅខាងក្នុង ។ ពេលនោះពួកគាត់ក៏ឆោឡោថាមានភ្លើងឆេះ ផ្អើលអស់អ្នកជិតខាងជួយអន្តរាគមន៍ហៅសមត្ថកិច្ច និងរថយន្តពន្លត់អគ្គិភ័យផងដែរ ។
ដោយផ្ទះនោះចាក់សោពីខាងក្នុង ពួកគាត់ជាអ្នកជិតខាងបានសម្រេចយករណារមកអារសោ និងទាញទុយោទឹកបាញ់បណ្តើរទើបភ្លើងរលត់ទៅវិញ តក៏ែនៅមានផ្សែងហុយនៅពេញផ្ទះ ។
ក្រោយមក ឃើញមានសមត្ថកិច្ចមូលដ្ឋាន និងរថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ១គ្រឿងទៅដល់ តែមិនបានបាញ់ទឹកពន្លត់នោះទេ ។ សមត្ថកិច្ចបានចូលទៅក្នុងផ្ទះ ស្រាប់តែឃើញបុរសខាងលើសន្លប់ស្ដូកស្ដឹងនៅមុខបន្ទប់ទឹក ក៏នាំគ្នាសែងចេញមកខាងក្រៅដើម្បីជួយសង្គ្រោះ។
ដោយករណីសង្ស័យថាបុរសម្នាក់នេះប្រើប្រាស់គ្រឿងញៀនលើសកម្រិត បណ្ដាលឲ្យវង្វេងវង្វាន់រហូតដុតផ្ទះខ្លួនឯងហើយឈ្លក់ផ្សែងភ្លើងសន្លប់ផ្អើលដល់អ្នកជិតខាង និងសមត្ថកិច្ចទៅអន្តរាគមន៍ ។ ករណីនេះ កើតឡើងកាលពីវេលាម៉ោងប្រមាណ៤និង៣០នាទីទៀបភ្លឺថ្ងៃទី៥ ខែសីហា ឆ្នាំ២០២០ នៅក្នុងបុរីចំការដូង ផ្ទះលេខE២៧A យីហោនីនស្តាយសំអាងការ សង្កាត់ដង្កោ ខណ្ឌដង្កោ ៕ដោយ៖ត្នោត
