Sign In 
លុយដែលអ្នករកបានប៉ុន្មានមិនសំខាន់ទេ ព្រោះវាមិនដែលគ្រប់គ្រាន់ទេសម្រាប់មនុស្ស ។ ប៉ុន្តែអ្វីដែលសំខាន់ជាងនេះទៅទៀត គឺការគ្រប់គ្រងលុយរបស់អ្នកព្រោះមិនថាអ្នករកលុយបានប៉ុន្មាន ប្រសិនបើអ្នកគ្រប់គ្រងវាមិនបានល្អ អ្នកនឹងខ្ជះខ្ជាយវាក្នុងមួយពព្រិចផ្នែក ។ ខាងក្រោម គឺជាយុទ្ធសាស្ត្រគ្រប់គ្រងលុយរបស់មហាសេដ្ឋីដែលបានចែករំលែកដោយអ្នកស្រី វេនឌី បាលីន (Wendy Barlin) ដែលជាស្ថាបនិក និងនាយកប្រតិបត្តិរបស់ About Profit ។
១. បង្កើតគោលដៅច្បាស់លាស់
សម្រាប់មនុស្សមួយចំនួន លុយគឺពាក់ព័ន្ធនឹងសម្ភារៈដែលខ្លួនមាន ។ ពេលដែលពួកគេរកលុយបានច្រើន ពួកគេយកវាទៅទិញរថយន្តថ្មី ផ្ទះកាន់តែធំ និងវិស្សមកាលកាន់តែយូរជាដើម ។ សម្រាប់មនុស្សផ្សេងទៀត លុយពាក់ព័ន្ធនឹងសន្តិសុខ ជម្រើស និងឯករាជ្យភាព ។
អ្នកត្រូវតែសម្រេចដោយខ្លួនឯងថា លុយមានអត្ថន័យយ៉ាងដូចម្តេចសម្រាប់អ្នក ព្រោះវាពាក់ព័ន្ធនឹងការគ្រប់គ្រងលុយរបស់អ្នកដែរ ។ អ្នកត្រូវដឹងថា អ្នកចង់ឲ្យលុយធ្វើអ្វីដើម្បីអ្នក ។
២. កំណត់ថ្ងៃសម្រាប់ពិនិត្យការចាយវាយ
អ្នកអាចជ្រើសរើសថ្ងៃណាមួយសម្រាប់ជាថ្ងៃដែលអ្នកពិនិត្យឡើងវិញនូវការចាយវាយរបស់អ្នកក្នុងសប្តាហ៍នោះ ។ វាជាពេលដែលអ្នកអាចតាមដាននូវប្រាក់ចំណូល និងការចាយវាយដើម្បីឲ្យអ្នកដឹងថាអ្នកមានខ្ចះខ្ជាយលើអ្វីដែរ ឬទេ ។
៣. គ្រប់គ្រងលុយដោយត្រឹមត្រូវ
ការរកលុយបានកាន់តែច្រើនមិនប្រាកដថា អ្នកត្រូវចាយវាយកាន់តែច្រើនដែរទេ ។ ផ្ទុយមកវិញ អ្នកគួរតែរៀនបែងចែកលុយទៅវិញដូចជាបង្កើតគណនីសម្រាប់សន្សំ និងសម្រាប់ចាយវាយដាច់ដោយឡែកដើម្បីធានាថាអ្នកមិនចាយវាយលើសពីការកំណត់របស់អ្នក ។
៤. បង្កើតក្រុមជំនួយ
ជាក់ស្តែង អ្នកមានមិនចាំបាច់គ្រប់គ្រងលុយដោយខ្លួនឯងទេ ។ ផ្ទុយមកវិញ ពួកគេអាចជួលអ្នកជំនា ញមកចាត់ចែងកិច្ចការទាំងនេះហើយពួកគេបានយ៉ាងងាយស្រួល ។ តែអ្នកក៏អាចមានក្រុមជំនួយផ្នែកហិរញ្ញវត្ថុដែរ ដោយពឹងផ្អែកលើឪពុកម្តាយ ឬសមាជិកក្នុងគ្រួសារដែលអ្នកជឿទុកចិត្តនិងមានបទពិសោធន៍ច្រើនជាដើម ៕ ផ្ដល់សិទ្ធិដោយ៖ កោះសន្តិភាព
