ក្រុមហ៊ុន Samsung កំពុងធ្វើឱ្យប្រព័ន្ធ 5G កាន់តែងាយស្រួលសម្រាប់ប្រជាជននៅសហរដ្ឋអាមេរិកដែលចាប់ផ្តើមចេញលក់នៅសប្តាហ៍នេះនូវទូរសព្ទម៉ូឌែល Galaxy A51 5G ។

ទូរសព្ទនេះនឹងទៅដល់ក្រុមហ៊ុន T-Mobile និង Samsung.com នៅថ្ងៃទី៧ ខែសីហា ក្នុងតម្លៃ 499,99 ដុល្លារ ។ រីឯទូរសព្ទស៊េរី Galaxy A51 5G UW នឹងមានលក់នៅតាមប្រព័ន្ធ Verizon នៅថ្ងៃទី១៣ ខែសីហានេះ។ 

ទូរសព្ទ A51 5G មានអេក្រង់លាតទំហំ 6,5 inch ប្រភេទ Super AMOLED ដែលមានកាមេរ៉ាខាងមុខទំហំ 32 MP, អង្គផ្ទុកទិន្នន័យទំហំ 128 GB, RAM ទំហំ 6 ឬ 8 GB និងមានបំពាក់កាមេរ៉ាក្រោយ៤គ្រាប់ ទំហំ 48 MP ។ ទូរសព្ទនេះផងដែរ ត្រូវបានគេរំពឹងថានឹងភ្ជាប់មកជាមួយបន្ទះឈីបប្រភេទ Exynos 980 និងថាមពលថ្ម 4,500 mAh ដែលដំណើរការប្រព័ន្ធប្រតិបត្តិការ Android 10 ជាមួយប្រព័ន្ធ One UI 2 ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9558071