Sign In 
អង់គ្លេស ៖ ក្រុម Fulham បានយកឈ្នះលើក្រុម Brentford នៅម៉ោងបន្ថែម ១៥នាទីពីរដងនៃការប្រកួតវគ្គជម្រុះផ្តាច់ព្រ័ត្រក្របខណ្ឌ Championship ដើម្បីឡើងទៅកាន់ក្របខណ្ឌ Premier League រដូវកាលក្រោយ។
ការប្រកួតដែលធ្វើឡើងក្នុងកីឡដ្ឋានជាតិ Wembley ក្រុមទាំងពីរបានវាយសម្រុកគ្នាពេញ ៩០នាទី ប៉ុន្តែគ្មានគ្រាប់បាល់ស៊ុតបញ្ចូលទីគ្នាឡើយ។ រហូតការប្រកួតឈានដល់ម៉ោងបន្ថែម ១៥នាទីពីរដង។ ខ្សែការពារឆ្វេង Joe Bryan របស់ក្រុម Fulham ធ្វើសម្រេច២គ្រាប់ម្នាក់ឯងពោលគឺនៅនាទី ១០៥ ដោយការស៊ុត (Free Kick) រយៈចម្ងាយជិត៤០ម៉ែត្រ និង១គ្រាប់ទៀតនៅនាទី ១១៧ មុនពេលខ្សែការពារស្តាំ Henrik Dalsgaard របស់ក្រុម Brentford រកបាន១គ្រាប់មកវិញនៅនាទី ១២០+៤។ ចប់ការប្រកួត Fulham ២-១ Brentford។
ជ័យជម្នះកាលពីយប់មិញបានធានាឱ្យ Fulham ឡើងមកកាន់ក្របខណ្ឌកំពូល Premier League សម្រាប់រដូវកាលក្រោយ និងជាក្រុមចុងក្រោយក្នុងក្របខណ្ឌ Championship បន្ទាប់ពីក្រុមម្ចាស់ជើងឯក Leeds United និង West Brom ដែលបានឡើងដោយស្វ័យប្រវត្តិ៕ ផ្តល់សិទ្ធដោយ៖ កោះសន្តិភាព
