ភ្នំពេញ​៖​ ក្មេងស្រីជាជនជាតិបរទេសម្នាក់បានធ្លាក់ពីលើអគារជាន់ទី៦ស្លាប់នៅកន្លែងកើតហេតុ បង្កការភ្ញាក់ផ្អើលកាលពីវេលាម៉ោង១០និង៣០នាទីយប់ ថ្ងៃទី០៤​ ខែសីហា​ ឆ្នាំ២០២០​ នៅចំណុចអគារខុនដូរ​ the penthouse condo តាមបណ្តោយផ្លូវសុធារស់​ សង្កាត់ទន្លេបាសាក់​ ខណ្ឌចំការមន​ រាជធានីភ្នំពេញ​។

តាមប្រភពព័ត៌មានបានឲ្យដឹងថា​ សពក្មេងស្រីជនរងគ្រោះខាងលើអាយុប្រហែល១០ឆ្នាំជាង ជាជនជាតិបរទេស​ តាមការបង្ហើបពីសន្តិសុខបានឲ្យដឹងថា​ មុនពេលកើតហេតុរូបគាត់កំពុងឈរយាម នៅទីតាំងខាងលើ លុះមកដល់វេលាកើតហេតុស្រាប់តែជនរងគ្រោះបានធ្លាក់ពីលើអគារជាន់ទី៦​ ស្លាប់តែម្ដងដោយមិនទាន់ដឹងពីមូលហេតុ។

ពាក់ព័ន្ធករណីខាងលើនេះសមត្ថកិច្ចមិនបញ្ជាក់ថាជាករណី អ្វីនោះទេនិងព្យាយាមលាក់បាំងព័ត៌មាន​ មិនឲ្យក្រុមអ្នកសារព័ត៌មានចូលទៅថតនិងសាកសួរព័ត៌មានលំអិតនោះទេ៕ដោយផេង ភាព

from： https://tnaot.com/km/m/detail/article/9556061