Sign In 
កាលពីវេលាម៉ោងប្រប្រមាណ១១ព្រឹកថ្ងៃទី៣ សីហា ឆ្នាំ២០២០ នៅចំណុចត្រពាំងជ្រៃ ក្នុងភូមិសំណាក ឃុំកកោះ ស្រុកសន្ទុក ខណៈទៅកាត់ដើមឈើជាមួយប្តី ដើម្បីពុះធ្វើអុស ស្ត្រីម្នាក់បានត្រូវដើមឈើរលំសង្កត់ បណ្តាលឱ្យបាត់បង់ជីវិត។ 
តាមប្រភពបានអោយដឹងថាមុនពេលកើតហេតុ ទាំង២នាក់ប្តីប្រពន្ធបាននាំគ្នាទៅកាប់ដើមឈើនៅដីរបស់បង ថ្លៃ ខ្លួន ដើម្បីពុះធ្វើអុសលក់ ។ 
បន្ទាប់មកកាត់ដើមក្រឡាញ់១ដើម និងដើមស្វាយចន្ទី១ដើមហើយ ក៏ទៅកាត់ដើមសាឡាត់ទៀត ដែលមានគល់ទំហំមុខកាត់ជាង៣០សង្ទី ម៉ែត្រ ។នៅពេលប្តីកំពុងកាត់នោះពុំបានឃើញប្រពន្ធទេ លុះដើមឈើរៀបដួលរលំ ក៏ឃើញប្រពន្ធរត់បណ្តោយស្របនឹងដើមឈើ ចៃដន្យទាក់ជើងនឹងវល្លិដួលផ្កាប់មុខ ក៏ត្រូវដើមឈើរលំសង្កត់ចំចង្កេះ បណ្តាលស្លាប់នៅនឹងកន្លែងតែម្ដង ។
តាមសាច់ញាតិឱ្យដឹងថា ស្ត្រីជាប្រពន្ធតែងទៅតាមប្ដីពុំដែលខាន នៅពេលដែលប្តីទៅកាត់ដើមឈើពុះធ្វើអុសគ្រប់ទីកន្លែង៕
សមត្ថកិច្ចក៏បានចុះទៅដល់ពិនិត្យកន្លែងកើតហេតុនិងសពជនរងគ្រោះ ឃើញនៅចង្កេះមានស្នាមជាំខ្លាំងដែលសង្ស័យបាក់ឆ្អឹង ចំណែកទ្រូង និងភ្លៅខាងឆ្វេងមានស្នាមជាំដែរ។ ក្រោយពីពិនិត្យរួច សមត្ថកិច្ចបានធ្វើកំណត់ហេតុប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ៕ ដោយ៖ត្នោត
