Alexis Sanchez ខិតជិតទៅនឹងការផ្ទេរទៅកាន់ក្លឹប Inter Milan ក្នុងនាមជាកីឡាករពេញសិទ្ធិហើយ ក្រោយចំណាយពេល១រដូវកាលនេះ នៅទឹកដីអ៊ីតាលីលេងក្នុងនាមជាកីឡាករខ្ចីជើង។

Sanchez ត្រូវបាន Man Utd ដាក់ឲ្យក្លឹបយក្សអ៊ីតាលីនេះខ្ចីជើង ខណៈក្លឹបមានបំណងលក់រូបគេតែម្ដងនាពេលនេះ ដោយសារតែមិនចង់ខាតបង់ថៃ្លពលកម្មដ៏ច្រើនសម្រាប់គេ។

បើយោងតាមអ្នកសារព័ត៌មានគឺលោក Fabrizio Romano បានឲ្យដឹងថា បិសាចក្រហម បានយល់ព្រមលក់កីឡាករឈីលីនេះទៅឲ្យ Inter Milan ដោយមិនមានថ្លៃដោះដូរ។

Inter Milan នឹងរាប់រងថ្លៃនឿយហត់កីឡាករនេះចំនួន ៧លានអឺរ៉ូក្នុងមួយឆ្នាំ ខណៈ Di Marzio បានបកស្រាយការលក់ Sanchez ចេញទៅនេះមានន័យថាបិសាចក្រហមនឹងចំណេញដល់ទៅ ៦០លានផោនដោយមិនត្រូវបង់ថ្លៃនឿយហត់បន្ត។

បើការលក់នេះ កើតឡើងជាផ្លូវការមែន តើប្រិយមិត្ដយល់ឃើញយ៉ាងណាដែរ?

ប្រភព៖ Dailymail

from： https://tnaot.com/km/m/detail/article/9552948