Sign In 
ក្រុមហ៊ុន Apple កំពុងចំរាញ់កម្មវិធីហ្គេមរាប់ពាន់ដែលមិនមានអាជ្ញាប័ណ្ណមកពីប្រទេសចិន
សហរដ្ឋអាមេរិក ៖ យោងតាមការចេញផ្សាយរបស់សារព័ត៌មានអនឡាញ Blooberg បានចេញផ្សាយ នៅថ្ងៃទី៣ ខែសីហា ឆ្នាំ២០២០នេះថា យោងតាមទិន្នន័យពីវិទ្យាស្ថានស្រាវជ្រាវ Qimai ក្រុមហ៊ុន Apple បានដកកម្មវិធីហ្គេមជាង៣០,០០០ ស្មើនឹង ៩០% កម្មវិធីត្រូវបានដកចេញពី App Store របស់ប្រទេសចិន កាលពីថ្ងៃសៅរ៍នេះ ក្នុងនោះក៏មានហ្គេមរបស់ក្រុមហ៊ុន Zynga និង Supercell ផងដែរ ។
សារព័ត៌មានដដែលនេះបានបន្តថា បន្ទាប់ពីចំរាញ់កម្មវិធីហ្គេមទាំងនោះហើយ ប្រមាណជាជាង ១៧៩,០០០ ដែលនៅសេសសល់ ក្នុងនោះប្រមាណជាជាង ១៦០,០០០ អាចដោនឡូតបានដោយឥតគិតថ្លៃ ។ គួរបញ្ជាក់ផងដែរថា កាលពីខែកុម្ភៈកន្លងទៅក្រុមហ៊ុន Apple បានជូនដំណឹងដល់ អ្នកអភិវឌ្ឍន៍កម្មវិធីហ្គេមទាំងអស់ក្នុងប្រទេសចិនម្តងរួចមកហើយ ដែលពួកគេត្រូវបញ្ជាក់ឬុមានអាជ្ញាប័ណ្ណរបស់ខ្លួនឱ្យបានមុនចុងខែមិថុនា ហើយការដកចេញនឹងចាប់ផ្តើមក្នុងថ្ងៃទី ៣១ ខែកក្កដានេះ ។ ប្រទេសចិន គឺជាប្រទេសធំមួយក្នុងចំណោមប្រទេសផ្សេងៗទៀត ដែលក្រុមហ៊ុន Apple បានលក់ទំនិញ និងសេវាកម្មទៅឱ្យ ហើយប្រមាណជាជាង ៣០ ភាគរយ ត្រូវបានកាត់ឱ្យទៅខាងអ្នកផលិតផងដែរ ។ ហើយក្រុមហ៊ុន ដែលមានមូលដ្ឋាននៅទីក្រុង ខូភូទីណូ រដ្ឋកាលីហ្វ័រញ៉ាមួយនេះ តែងតែប្រកាន់ជំហរ រឹងមាំពីការគំរាមកំហែង ពីរដ្ឋាភិបាលចិន នៅពេលដែលនិយាយដែលទាក់ទងនឹងល្បែងម្តងៗ ។ ការដកចេញនេះបានកើតឡើងស្របពេលមានការបង្ក្រាបល្បែងស៊ីសង ដែលគ្មានការអនុញ្ញាតពីសំណាក់អាជ្ញាធរចិន ។ ដូចគ្នាដែររដ្ឋាភិបាលចិន ក៏បានព្យាយាមអនុវត្តបទបញ្ញត្តិ ដ៏តឹងរ៉ឹងជាងមុនលើឧស្សាហកម្មល្បែងរបស់ខ្លួន ដើម្បីលុបប្រភេទកម្មវិធីហ្គេមណា ដែលងាយរងគ្រោះដល់ប្រជាជនគេ។ អ្នកផ្សាយពាណិជ្ជកម្មតាមអ៉ីនធើណេត ដែលមានដូចជាក្រុមហ៊ុន Tencent Holdings Ltd និងក្រុមហ៊ុន ByteDance Ltd ក៏ទំនងជាទទួលរងការវាយប្រហារផងដែរ ដោយពួកគេបានរំពឹងថានឹងបាត់បង់ ឬនឹងមានការធ្លាក់ចុះ នៃអ្នកទិញការផ្សាយពាណិជ្ជកម្ម ក្នុងកម្មវិធីហ្គេមទាំងនោះ។ លក្ខខណ្ឌក្នុងការទទួលបានអាជ្ញាប័ណ្ណ ធ្វើកម្មវិធីហ្គេមដែលត្រូវបង់លុយ ដើម្បីលេងបន្តនោះ (in-app purchases) គឺមានរយៈពេលយូរ និងសាំញ៉ាំដែលបញ្ហានេះ ធ្វើឱ្យប៉ះពាល់ដល់អ្នកអភិវឌ្ឍន៍កម្មវិធី ខ្នាតតូច និងខ្នាតមធ្យម លើកលែងតែក្រុមហ៊ុនធំៗតែប៉ុណ្ណោះ នេះបើតាមការវិភាគរបស់អ្នកជំនាញមួយចំនួន៕ ផ្ដល់សិទ្ធិដោយ៖ កោះសន្តិភាព
