Sign In 
បារាជិកទាំង៤ជាអករណីយកិច្ចរបស់អ្នកបួសគឺ ១-សេពកាម ២-លួចទ្រព្យគេ ៣-មនុស្សវិគ្គហៈ និង៤-ពោលអួតធម៌ជាគុណវិសេសរបស់មនុស្ស ដែលព្រះសម្ពុទ្ធជាម្ចាស់ទ្រង់ហាមឃាត់មិនឲ្យអ្នកបួសប្រព្រឹត្តដាច់ខាត ព្រោះជាអំពើប្រទូស្ដសាសនា និងបៀតបៀនដល់អ្នកដទៃ ។
ដោយនៅក្នុងអត្ថកថាលោកបានរង្គាយសេចក្តីយ៉ាងនេះថា បុគ្គលជំពូកខ្លះ អាស្រ័យនឹងការសេពកាមជាហេតុ ក៏ប្រទូស្ដនិងបៀតបៀនគ្នា ដរាបចាក់កាប់សម្លាប់គ្នាក៏មាន ។ បុគ្គលជំពូកខ្លះចង់បានទ្រព្យរបស់គេ ក៏ប្រទូស្ដនិងបៀតបៀនម្ចាស់ទ្រព្យគេក៏មាន ។ ខ្លះទៀតឃើញគេគោរពរាប់អានដោយចិត្តស្មោះក៏និយាយបញ្ឆោតគេដោយឱ្យបែកបាក់គ្នាក៏មាន ។ ឯអ្នកបួសពួកខ្លះទៀតព្រោះតែចង់បានលាភសក្ការៈហួសប្រមាណក៏ពោលអួតថាខ្លួនបានសម្រេចធម៌យ៉ាងនេះ យ៉ាងនោះ តែតាមការពិតគឺជាសម្តីភូតកុហកសោះ ។
អំពើអម្បាលនេះហៅថាប្រទូស្ដ ថាបៀតបៀនអ្នកដទៃ ជាអករណីយកិច្ចដែលព្រះបរមគ្រូជាម្ចាស់ទ្រង់ហាមប្រាមអ្នកបួសក្នុងព្រះពុទ្ធសាសនាមិនឲ្យធ្វើជាដាច់ខាត ។ដោយ៖ កោះសន្តិភាព
