Sign In 
ព្រះពុទ្ធសាសនាថ្កុំថ្កើងទៅបានលុះណាតែអ្នកបួសគឺ ភិក្ខុ សាមណេរ ដែលជាគ្រឹះដ៏រឹងមាំសម្រាប់ទល់ទ្រខឿនសាសនាគោរពធម៌វិន័យឱ្យបានខ្ជាប់ខ្ជួន ប៉ុន្តែបើអ្នកបួសដែលជាអ្នករស់នៅផ្ទាល់នឹងសាសនា លែងប្រតិបត្តិទៅតាមតួនាទីរបស់ខ្លួន រវល់តែភ្លើតភ្លើនលោតហក់ទៅតាមសម័យទំនើបឬសិក្សាមន្តអាគមស្រោចទឹក ចារយ័ន្ត ធ្វើពេទ្យមើលជំងឺហើយ សាសនាក៏នឹងអន្តរធានជាក់ជាមិនខាន ។
ខាងក្រោមនេះជាហេតុនាំឱ្យព្រះពុទ្ធសាសនាវិនាសចាកលោកៈ
១-អ្នកបួសទាំងពីរពួកមិនស្តាប់ធម៌ដោយគោរព
២-អ្នកបួសមិនរៀនធម៌ដោយគោរព
៣-មិនទ្រទ្រង់ធម៌វិន័យដោយគោរព
៤-មិនពិចារណានូវព្រះធម៌ដោយគោរព
៥-ព្រះសង្ឃមិនប្រតិបត្តិធ្វើតាមធម៌វិន័យដោយគោរព ។
វិន័យជាគ្រឹះដ៏រឹងមាំក្នុងវិស័យលើកតម្កើងជ្រោងសាសនាឱ្យខ្ពស់ត្រដែតឡើង តែបើព្រះសង្ឃលែងធ្វើតាមវិន័យ ឧបាសក ឧបាសិកាលែងស្តាប់ធម៌ លែងគោរពព្រះសង្ឃទៅហើយ សាសនាធ្វើម្តេចនឹងខ្ពង់ខ្ពស់ទៅបាន ។ ដោយ៖ កោះសន្តិភាព
