រដូវកាលដែលទើបបញ្ចប់ទៅនេះ អ្នកដែលគ្រងតំណែងជើងឯក Serie A គឺនៅតែជាក្លឹបយក្សJuventus ដដែល ដែលនេះគឺជាពានលើកទី៩ ជាប់ៗគ្នារបស់ក្លឹបដែលមានមូលដ្ឋាននៅទីក្រុង Turin នេះ។

Cristiano Ronaldo ដែលជាតួឯករបស់ក្លឹបក៏បានបង្ហោះសារអំពីការលើកពានក្រោយចប់រដូវកាលនេះដែរ។ ក្នុងសារនេះដែរ CR7 បានបង្ហាញតម្រុយថា រូបគេនឹងបន្តនៅក្លឹប Juventus ទៀតនារដូវកាលក្រោយ។ សារនោះមានខ្លឹមសារថា៖ “សប្បាយចិត្តក្នុងការឈ្នះពានSerie A លើកទី៩ជាប់គ្នារបស់ក្លឹបJuventus។ វាហាក់ដូចជាងាយស្រួលតែវាមិនមែនទេ។ តោះយើងនឹងព្យាយាមលើកពានទី៣របស់ខ្ញុំ។”

គួរបញ្ជាក់ផងដែរថា Ronaldo ទើបតែផ្ទេរចេញពី Real Madrid មក Juventus ក្នុងឆ្នាំ២០១៨ និងទើបតែបានលើកពាន Serie A ២ប៉ុណ្ណោះ។ ពាក្យថា “ពានទី៣”របស់ខ្ញុំនឹងសំដៅទៅលើរដូវកាលក្រោយ នោះមានន័យថា Ronaldoនឹងមិនផ្ទេរចេញទៅក្លឹបផ្សេងណាឡើយ។

ប្រភព៖ Goal.com

from： https://tnaot.com/km/m/detail/article/9549982