អ្នកចាំទីចុងក្រោយគេបង្អស់ ដែលបានជួយសង្គ្រោះបាល់ប៉េណាល់ទីរបស់ Bruno Fernandes បានផ្ដល់នូវគន្លឹះមួយចំនួនក្នុងការសង្គ្រោះបាល់របស់គេ។

Fernandes មានស្ថិតិស៊ុតបាល់ប៉េណាល់ទីយ៉ាងល្អ ចាប់តាំងពីចូលរួមជាមួយក្រុមបិសាចក្រហម Manchester United ខណៈគិតត្រឹមពេលនេះ រូបគេបានស៊ុតបញ្ចូលទីបាល់ប៉េណាល់ទីចំនួនសរុប១៧គ្រាប់ហើយក្នុងអាជីពរបស់គេ។

អ្នកចាំទីដែលសង្គ្រោះបាល់ប៉េណាល់ទីរបស់ Bruno គឺឈ្មោះ Miguel Soares អំឡុងពេល Sporting ប្រកួតទល់នឹងក្រុម Loures កាលពីខែតុលា ឆ្នាំ២០១៨។

Soares បាននិយាយពីការជួយសង្គ្រោះបាល់ប៉េណាល់ទីរបស់ Fernandes ប្រាប់ដល់សារព័ត៌មាន Daily Star ថា៖ «ការសង្គ្រោះនេះគឺពិតជាអស្ចារ្យសម្រាប់ខ្ញុំ។ អ្វីដែលសំងាត់របស់ខ្ញុំនេះ គឺការផ្លាស់ទីតិចៗរបស់ខ្ញុំទៅខាងឆ្វេង»។

«ខ្ញុំបានឲ្យ Bruno សម្រេចចិត្ដក្នុងការស៊ុតទៅខាងណាមួយ ប៉ុន្ដែខ្ញុំដឹងអំពីចលនានិងជំហររបស់គេពេលដែលគេស៊ុត ហើយខ្ញុំក៏បានហក់ទៅខាងឆ្វេង និងសង្គ្រោះបាល់នោះតែម្ដង»៕

ប្រភព៖ Daily Star

from： https://tnaot.com/km/m/detail/article/9548791