Sign In 
ធម៌គឺពរ៤ប្រការ អាយុ១ ពណ៌ស្រស់ស្អាត១ សេចក្តីសុខចម្រើន១ និងកម្លាំងខ្លាំងក្លា១ រមែងកើតមានដល់បុគ្គលដែលមានសេចក្តីគោរពកោតក្រែងដល់អ្នកដែលមានវ័យចាស់ជាងខ្លួន ឬអ្នកបរិបូណ៌ដោយគុណទាំងឡាយមានសីលគុណជាដើមគឺចាស់ព្រឹទ្ធាចារ្យ ។
បុណ្យដែលសម្រេចពីការគោរពឱនលំទោនដល់អ្នកដែលគួរគោរពមានដូចជា គោរពទៅតាមគុណធម៌បានដល់ព្រះសង្ឃ ឪពុកម្តាយ និងអ្នកមានសីលបរិបូណ៌ដោយគុណធម៌ជាដើម។ គោរពទៅតាមវ័យ មានចាស់ព្រឹទ្ធាចារ្យ ចាស់ទុំទាំងឡាយដែលមានអាយុច្រើនជាងយើងជាដើម ។
ផលនៃការគោរពនេះនឹងធ្វើឲ្យយើងបាននូវសេចក្តីសុខ ហើយអ្នកផងទាំងឡាយគោរពស្រឡាញ់រាប់អាន និងបានជាទ្រព្យគាប់ប្រសើរទៅក្នុងអនាគតជាតិ ។ ដោយ៖ កោះសន្តិភាព
