ភ្នំពេញ : រថយន្តពីគ្រឿងបោះពួយយ៉ាងលឿនចាប់ហ្វ្រាំងមិនទាន់ជ្រុលបុកគ្នាពេញមួយទំហឹងបណ្ដាលឲ្យរងការខូចខាតទាំងសងខាងសំណាងល្អមិនមានអ្នករងរបួស ហេតុការណ៍នេះបង្កការភ្ញាក់ផ្អើលកាលពីវេលាម៉ោង៤និង៣០នាទីរសៀលថ្ងៃទី០១ ខែសីហា ឆ្នាំ២០២០ស្ថិតតាមបណ្ដោយផ្លូវសម្ដេចជាស៊ីម ក្នុងសង្កាត់គោកឃ្លាងខណ្ឌសែនសុខ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញមានរថយន្តស្ទូចមួយគ្រឿងពណ៌សពាក់ស្លាកលេខភ្នំពេញ3E 9000 បើកបរដោយបុរសម្នាក់រួមដំណើរម្នាក់ទៀតជាព្រូ ធ្វើដំណើរក្នុងទិសដៅពីកើតទៅលិច លុះមកដល់ត្រង់ចំណុចកើតហេតុស្រាប់តែមានរថយន្តស៊េរីទំនើបមួយគ្រឿងម៉ាក rangrover ពណ៌សពាក់ស្លាកលេខភ្នំពេញ2AN 3996បើកបរដោយបុរសម្នាក់ក្នុងទិសដៅពីលិចទៅកើតក្នុងល្បឿនលឿន

លុះមកដល់ចំណុចកើតហេតុទាំងពីរបុកគ្នាពេញទំហឹងបណ្ដាលឱ្យរថយន្ត range rover រងការខូចខាតដាច់កង់ខាងមុខផ្នែកខាងឆ្វេងយ៉ាងដំណំរីឯរថយន្តស្ទួចរងការខូចខាតបន្តិចបន្តួចតែប៉ុណ្ណោះ។

ក្រោយកើតហេតុសមត្ថកិច្ចមូលដ្ឋានបានចុះមកដល់ទីតាំងកន្លែងកើតហេតុដោយភាគីទាំងសងខាងសូមធ្វើការចរចាគ្នាមួយសន្ទុះក្រោយមកភាគីទាំងសងខាងសូមយករថយន្តយកទៅជួសជុលដោយខ្លួនឯងរៀងៗខ្លួន។ផេង ភាព

from： https://tnaot.com/km/m/detail/article/9547268